اقتباس:
المشاركة الأصلية كتبت بواسطة متحري الصدق
الأخ عبدالرحمن الشرافي الله لا يهينك على ذا الموضوع المميز . لكن يوجد هناك خطأ في اسم الشاعر فهو/ مترك بن عبدالله بن فلحان المخاريم. والقصيدتين فيها نقص عدد من الأبيات فإليك القصيدتين كامله بإذن الله والكامل وجه الله.
القصيدة الأولى:
البارحه جاني من النوم عادي=وليلن علي مهوب ليل ابن سران
على جوادن مثل ظبي الريادي=والا الفهد لامن نفج بين حزمان
يا زينها بين الدواسر تقادي=وسط الدواسر يوم زوفات الأضعان
يا ليتها عقرت نهار الطرادي=واجوز منها عند حلوات الألبان
غدابها ذيخن من البيت عادي=لا علّق المزهب ولا لبس حذيان
أنا برجوا الله وربعن عوادي=خبرة مساردتن على الخيل ظفران
يدّونها لا كان مابه قوادي=إن الحبابي من رفيده وسنحان
الشاعر/مترك بن عبدالله بن فلحان المخاريم
أما القصيدة الثانية
يا راكبن خمسة عشر حيل وسمان=أملاط ما ركبوا عليها الجواذيب
مرباعها العفجه إلى أبرق سليمان=ومصيافها ترعى ثلاثة الأشاعيب
ترعى من السرّة الى صوب فغران=وما بذّها شرب الصري والمغاريب
تسرح من الوادي مع الصبح لا بان =وتبشر لها لا جات جاشن معازيب
بشر الى من جت بكبشن من الضان=وحيلن تقلّط فوق برّن معاصيب
خص الهضيب محمدن هو وراكان=محمدن شوق البنيّ الرعابيب
خوالي اللي في الملاقات ظفران=وما هم مدوّرة الخطا في الأصاحيب
خوالي اللي في اللقا فعلهم بان=قصيرهم يرعى حلاله مع الذيب
جات الفرس من دون حقن وخذلان=وحقّانها غصبن عيالن معاطيب
جيب ابن طفله مثل كبشن من الضان=وخلّي حبيسن في اليدين القواضيب
عندي لهم بيضا على راس ما بان=بيضا بها ذاري الهبايب مناديب
الشاعر / عبيّد بن عبدالله بن فلحان المخاريم
وتقبل خالص تحياتي
أخوك مــــــتـــــحــــــري الــــــــصـــــــــدق
|
ابو بخيتان
الله لا يهيينك ويعطيك العافية
على الاضافة
ولاخلا ولا عدم من مشاركاتك يالقرم
ننتظر كتاباتك بفارغ الصبر
تحياتي