ماقصرتوا ياعزوتي على كل الردود , وهذا شي مهوب غريب عليكم , وانشاء الله نردها لكم بالأفراح , وكل هالترحيب وسام اتشرف فيه , وأحيكم على ترحيبكم , ولكم مني هالأبيات انشاالله انها تعجبكم وتحوز على رضاكم .
شملتوني بعطفكم والتراحيب
ماهو غريب عليكم يا منبع الكرم والجود
ردودكم ماهي الا صدق احساس ومواجيب
بـينت الخافي من معزه مالها حدود
عسى الله يخليكم ذخرنا فاليوم الرهيـب
ياحماة الدار من كل عدو حســــــود
لابرد يردكم ولا قيظ ولهيــــــــــــــــــب
لاهنتوا وانتم دواسر كالأســــــــود
من زايد ومن تغلب طيب وراطيـــــــب
بين العرب وافين المواثيق والعهـــود
وآخر قصيدي صلوا عد المحاريـــــــــب
على رسول بين الحق بلاســدود
أخوكم صقر بن مطلق الجميعة الدوسري