[معلومات العضو مبارك بن الجوير]

سلام الله عليكم


على طلب اخوي ابوزيد ولايهونون باقي اخواني

جبت لكم

هالمحاورة اللي جرت لي في احدى المنتديات

مع الشاعر شاكر بن عماش المطيري

اتمنى تنال شيء" من الرضا ....


قلت /

سلامي على اللي قال انا معـك لآ غنيـت=على هيبـة المنكـوس لاطـاب روباعـه
على طاري إهريسان ضلعن وراء تكريت=ياجايبـن للعلـم عطنـي وش اوضاعـه

ابن عماش/

هلا مرحبا ياشاعرن له مقام وصيـت=يغني على بحور القوافي من ابداعـه
على طاري الضلع المسمى تراني جيت=يقولون جاه خيال واشتالـه بساعـه

________________________

قلت /

هلابك يابن عماش من جيت الى حليت=عزالله إنّـك كفـوء فـزّات فزّاعـه
الضلع قالوا نايف ويـوم انـا طليـت=واثره حزيمـن ماشغلنـي بمطلاعـه

_________________________



ابن عماش/

ترى ماعليكم زود والعلم لـه توقيـت=تحيزم ترى بعض العرب كثرت اوجاعه
انا ماعلي من سالفة شلة التصويـت=ولاكل نار تشـب مـن فعـل ولاعـه

_____________________




قلت/

على طاري الاشعال خلك على الكبريت=بعض الهبوب ترد ضوّك من الراعـه
خلك من المعنى ولا بحسب التشتيت=بعض السوالف ما لقت ناس سمّاعـه

_______________________

ابن عماش/

الا يامبارك دون عموًد ويش البيت=اظنه يطيح ولا حدن يرفع شراعه
انا ماتلحًق مقفي الناس لاعديـت=وهذي ترى سلعة ضعيًف وطماعه

_____________________

قلت /

ادم من الجنه ظهر مأ بكـى ياليـت=يكفي عرف لإبليس بـ/السوء خدّاعـه
ترى النصيب يصيب قَاسِـمْه رب البيت=والليّ قِـسمّْ لِهْ مْضَره مْنـت نفّاعـه

_________________________


ابن عماش/

اذا مانفعكـم حـي لا تلحقونـه مـيـت=ولكني ابغى منـك فـي دربـي الطاعـه
لو انك تبي ترضي جميع البشر ماارضيت=علامك تحط اذنـك علـى كـل سماعـه

_____________________________


فقلت /

يا شاكر ومن مايشكر الناس به تفويـت=ومالله يوّفق من يكِسر سُـوق و بضاعـه
ولاصرت قاضي كيف ترضي هل التثبيت=والدعوى بين الجيش والشعـب نزّاعـه

____________________________


ابن عماش/

صدقت وصدق قولك ولكن ليا صليت=تعوًذ من الوادي بعد لجت سباعـه
الا يافطن مايلحقك شك مـن حليًـت=تراك انت شامخ والمقاريد فالقاعـه

__________________________


قلت /

والله لولا الله ما صار كيت وكيـت=وخل العلوم تشوم الى قوُّمت الساعه
يبقى القمر نوره وما يغني عنْه الليت=لا من طلع نصف الشهر لبا مطلاعه

______________________


ابن عماش/

الا يامبارك بنشدك دامك انـت افتيـت=يقولون رووس القوم تشكي من الضاعه
ابغيـر الموضـوع للشيـخ يبالفـيـت=يهدد هل المنصب وهو قاصـرن باعـه

______________________

قلت /

الروس ياخي روس.. ماضيعتهم هيت=وخلك على من ورّد البيـر بإشاعـه
ماحدن قصر باعه على ملبسه لـِ/بشيت=وكلن على كمه يبي طولـت إذراعـه

_____________________

ابن عماش/

ترى بعض روس القوم اسامي ليا سميت=اسامي على الهامش فقط نسخ وطباعـه
يقولون حنا لـك عقوبـه ليـا زليـت=وهو مايحاسب في دخولـه ومطلاعـه

____________________

قلت/

روميو ترى في قصته مات من جولييت=وموته بسم الداب لو ماهـي لسّاعـه
الموت ساقه من قلاص الغلا شربيت=و/نفسن تموت بعز ولا تعيش خضّاعـه

____________________

ابن عماش/

تراك انته ابيض وجه يالمسعري وفيًت=رجل من رجالن لحتمى العلم قطاعـه
وانا يوم شفتك يامبارك تغنـي جيـت=ولعبن معك ياصاحبي فخر و طماااعه

وسلامة قلب القاريء ......