اول كلامي يوم قلت المثايل=على النبي صليت وارجي ثوابها
وانا احمدالله يومانا من قبيله=اهل هيةً كل القبايل درابها
حنا ال زايد دارنا ديرة الفضا=داراً لهلها محتمينن جنابها
اهل ديرةً يفرح بها هاشل الخلا=يفرح بها هجناً قليلً زهابها
وغرساً ضليلً وبيوتاً مشيده=وابلً مجاهيماً طوالً رقابها
كم من دهوماً للاعادي نجرها=كم قمةً سبارنا قد رقابها
كم عزبةً بليسً نذيرها=تصبح جرايرها تعاوى ذيابها
يامزنةً باالخرج هلت مطرها=في حومة الهيجا تنزل ربابها
نجو قصير البيت من طيب فعلهم =بمسلبات ناحلاتً رقابه
ياهيتً باالقد (ظافر) خصيمها=لادالمنيعي لازميناً عقابها
اميرنا الزلال سمي (مشخر)=من هيةً بطريف كلً حكابها
كم سابقاً طاحت وهو من سببها=بم النفوس الي سريعاً ندابها
جانا من العجمان قوماً سريه=مهوب حظ القوم واللي غزا بها
ربعي شوي مير قوماً قطيعه=ربعاً تورد في الاعادي حرابها
ننطح شفات الموت في حومة الوغى=كل النفايل لابسيناً ثيابها
عند القهب خلي ثمانين لحيه=تكسر حناديها وتفرس ذيابها
جانا ابن شبعان يقزي غزيه=بسفل علاق يوم جاها خرابها
مالو عليهم ميلةً عالميه=يوم الرزح مايعرف حسابها
هذي فعايل ربعنا في الشباكه=خمسه وعشرين تطارخ ثيابها
يوم ال رشدان تعدد فعولهم=يشهدلهم في الهوش نايف هظابها
اللي جلس في الحيد بانت فعايله=سبعه من السبعان طاحو جنابها
جانا (ربيع) نصرة الدين والهدا=نوراً يقدي في الدجا من سرا بها
حول على غتم القرايا مضله=عمر مساجدها ووضح كتابها
بنا بيوت العز با السيف والقنا=وصلو صلاةً بعضهم مارضابها
ارث لنا من ورثة الجود عصبه=كل النفايل لازميناً حسابها
شياب وسم الخير بااعلى وجيهها=مثل الجبال مزبنة من رقا بها
حنا لهم لاجات منا ومنا=لالبست حمر المنايا ثيابها
هيباتنا ترعا بها شمخ الذراء=يامن بها اللي نزل في جنابها
يامن بنا الخايف الا شاف نشرنا=وبيوتنا يامن بها اللي وزا بها
حنا هل الديره وحنا رسومها=وحنا اهلها يوم كلن هقابها
عاداتنا ماهوب يوخذ محلنا=نرسي كمى ترسي شوامخ هضابها
هذي عوايدنا وهذي فعولنا=وكم واحداً وسط المجالس حكابها
تاريخنا غنى به الطير في السما=تلعب به الورقى بروس اهضابها
يامن يعلم محسنن يوم جاني=هذي دلايلها وهذي حسابها
واختامها مني صلاةً على النبي=عداد ماهل المطر من سحابها
الشاعر
عساف بن ناصر بن مبخوت الضبان المخاريم
وتقبلو تحياتي