15-11-2007, 10:26 AM
|
#1
|
إحصائية
العضو |
|
|
سلام ممن قــــال بــأول مبتــداه
|
|
|
|
بسم الله الرحمن الرحيم
هذي القصيده قالها رحمه الله في ديرته ويمدح بني عمه فيها ويتنومس بفعولهم الطيبه
سلام ممن قال بأول مبتداه=وتحية تشمل جميع الحاضرين
واهلا هلا باللي بعيداة خطاه=والنا الشرف بحظوركم يازايرين
والضيف عندمعزبه عمدة قراه=قولة هلا بالضيف والخلق الحسين
وقولة هلا بالضيف من حسن الصفاه=وصا بحق الضيف رب العالمين
ومن قدم المعروف بالطيب لقاه=ولايضيع الطيب عند الطيبين
والى دعانا داعي اجبنا نداه=والله مايسهر وحنا نايمين
ياغرس ياللي كل طماع غزاه=ثم عودوا عقب المعارك عايفين
لو كل من يشره على مخذه خذاه=ماكان خلي من ملايين السنين
من زايد معنا على الديره وصاه=وصى وحنا في وصاته حافظين
وصى على الغرس الذي يخرف جناه=ماهوب يبخل به على اللي جايعين
يلعب به النسناس مايسكن هواه=وهدب الجريد اللي يشوق الناظرين
عيابه الله و(ال زايد) العصاه=وضرب النمش بايمان خطلان اليدين
وان كان من يحصل على ملكا كفاه= فــاحــنا ملــكنـا بالـيساروبــاليـمـــين
غرسـا وقطعانــا بخــدانـــا فــــلاة= ومــوســـعـــينا حـــدهـــا للراحـــلــــين
لي ديرة ماحدا لــنا هــدوا عطـــاه = ولاجاتنا هــدوا ولاحــن مشتــرين
ولاحدا عطانا اياه في وجها وجــاه= الا بــحد السيــف والـجمـع الرزين
امن الشمال الخـرج وحــدوده وراه=والحد حد السيف والجمع الرزيـــن
سكنه( غياثات ٍ) مطوعـة العصــاة=وتدوس بالرجلين روس المعــتــدين
ومن الجنوب الهضب ويسوده حماة= اللي على دوس المعـارك داربــــين
(لاد المنيـعي) ويـل منهم لــه اعـــداة= اللــي بــدل رجــالهم يـــذبـح اثـــنين
والى عوى ذيب جذب الاخر عواه = وان صاد صيد مايصيد الا السمين
ولي ديرة من كان مظلوم نصاه=ملفا لمن يشكون ظلم الظالمين
يامن بها الخايف ولو كثرة اعداه=يامن بديرة ممنين الخايفين
فيها الخوي يامن وتوسم له عصاه=يامن ولا يحسب حساب المعتدين
عمي الشريف الـين داويــنا عمـــاه= الين شاف الدرب مثل المبـصــرين
ومن عـمـي قـــلــبه عندنا يوجـد دواه= ونــزيـــد عــلـته القــديمــه علـــتين
فيالله ياللي كل مخلوق دعاه=اقبل سؤالي يامجيب المدعين
يالواحد اللي كل مخلوق دعاه=اقبل سؤالي يامجيب المدعين
ياللواحد اللي كل خلقه في رجاه=يامنزل القران بالحق المبين
ان تنصر اللي للوطن صانوا احماه=والنصر منك يا الاه العالمين
وصــلاة ربــي عــد مايمـطر سماه= على شفيع الخـلق سـيد الــمرسلــين
الشاعر : دخيل الله ابن محمد ابن دخيل الله الشكره رحمه الله
وادي بـــــــرك
|
|
|
|
|
التوقيع |
اخي العزيز
يكفيني ان تقول
لوالدي
اللهم باعد بينه وبين خطاياه كما باعدت بين المشرق والمغرب
اللهم ارحمه واسكنه الجنه . اللهم وسع له في قبره
اللهم اجعل قبره روضةً من رياض الجنه
اللهم اجمعه بالنبيين والصديقيين . واللهم أنس وحشته
وأمن روعته
واموات المسلمين والمسلمات
اللهم امين
وجزاك الله عني كل خير
-------------------------------------------------
تفضل
هذا هو رابط ديوان والدي
http://www.alduwasser.com/vb/showthread.php?t=18139
------------------------------------------------
سبحان الله وبحمده سبحان الله العظيم |
آخر تعديل عبدالرحمن بن فلاح آل بريك يوم 02-08-2016 في
06:55 PM.
|
|
|