سلام واهدي عقبه اغلا التراحيب
ترحيب طيب للمسايير .. ينقال
يامرحبا بضيافة اهل المواجيب
اللي لهم في قمة المجد منزال
ربعي هل الوقفات كسابة الطيب
امجادهم بين العرب مضرب امثال
اهل الثمان اللي تسد المطاليب
اللي رقو بالجود في راس ماطال
وقت الملاقا ماتعرف الهناديب
يردون حوض الموت رجلي وخيال
ربعي بني ودعان لامن عوى الذيب
توطي اللي جا من الزود يختال
اهل الكرم وقت القسا واللواهيب
ماردهم شين الدهر كل ما مال
سعد الخوي معهم يشوف التعاجيب
الشمري يشهد على فعل الابطال
واللي ودى جاره علشان تخريب
من سبة جدار ن على طفله انهال
ربعي بني ودعان كبار المناصيب
ما جاتهم بالهرج والا .. التحيال
لا والله بوقفات عكف الاشانيب
من يومها برماح وسيوف وسلال
في مدحهم تنساق الابيات واجيب
شرد ن ماسيقت قبل اجيها لرجال
اغلا من اللولو ومن شمخ النيب
وهدفتها للي رقا روس . الاقذال
الوافي ... اللي ماخلق به عذاريب
الكايد .... اللي ... للثقيلات .نقال
حكيم ن يحل العقد ... والاصاعيب
بجاهه ويرخص لجلها كل الاموال
محمد اللي عرف مثله مكاسيب
ابومبارك مكسب ن طيب الفال
مراجله ماهيب عن كفه تغيب
ماهوب هرج مجمع القيل والقال
واليا مشى فامر مايحتاج تعقيب
حلال عسرات . الطلايب بالافعال
رمز ن من رموز الدواسر بلا ريب
على دخيل الوجه الى جاله ظلال
ماهوب يحسب ملية البوك والجيب
الالف عنده في الكرم كنه ريال
عد ن قراح ن مايغيض المشاريب
يروي ضما العطشان من جوده زلال
حاتم يمين ن ماضرت بالمحاسيب
بشوش وجه معرب الجد والخال
منافسه يلقى الغبن والتعاذيب
يبطي وهو خلفه ولو طال ماطال
من صغره الين اكتسا العارض الشيب
يسعى لكسب المرجله والتجمال
ودرب الجمايل للكفو مايدي صعيب
وانا اشهد انه .مجمل طيب الفال
قلته وربعي ينطحون . المواجيب
اسم النتيفي شامخ ..فوق مازال
وما اهضم حقوق ..الناس والطيب يطيب
ومن طاب . طيبه . عم .ربعه بما نال
شافي بن راشد النتيفات