انا الحقيقه هذي اول مشاركه لي بالمنتدى معاكم واتمنى قبل لاجيب ما انفعكم اني
انتفع من الكثير اللي اتقدمونه
عندي سؤال عن الشاعر اللي قال القصيدة اللي بقولها بعد اشوي وارجو الأفادة عنه من اي الدواسر هو ووشهي الديرة اللي تكلم عنها
يقول الشاعر وهو اسمه ابن عرفوج:انا ابن عرفوج ونفسي رفيعه===لامن شينة خبث الليالي طبوعها
ان شافت الزاد القليل ترفعت===ولابد للنفس من شبعةٍ عقب جوعها
يامحلا قولي للأصحاب سلفوا ===وعيراتهم ماحط عنها نسوعها
على كرامةٍ من مد ربي مديتها===اداوي بها لاهل المراميل جوعها
ذا داخلٍ بها وذا طالعٍ منها===وذاك يتني العشىفي طلوعها
لي ديرةٍ بين الوطاة وخرطم=== سقها الحيا وابتل بالما جذوعها
سقاها الحيا من مزنة عقربية===يجي الحول والما ناقعن في فروعها
اقمت انا بها تسعة وتسعين حجة===على يسارها واللي مضى من هزوعها
فلا ضاربٍ جاري بكفي تعمد ===ولاحرمة في تالي الليل اروعها
ولا داس فينا خايب الظن هقوة===وخير المعاني قد بنينا اشروعها
وان كان ماحشت انا فيها تجارة===خير الليالي ليلةٍ في ربوعها
وسلامتكم