[معلومات العضو ابن الخرج]

لاهنت أخي ابوزيد على ذكر بعض من فرسان قبيلة تغلب وبيض الله وجهك

وهذه معلومات عن بعض من فرسان قبيلة المشاويه:

1/ سعد بن راجح بن جوزان : أمير قبيلة المشاويه في وقته وقائد بيرق الأمام عبدالله بن فيصل آل سعود

2/ عبدالله ( عبيد ) ابو شيمه : فارس مشهور وقد قيل فيه

عيا على الجيش ابو شيمه =يوم الردى طارت عيونه

وهو من الستين رجل الذين فتحوا الرياض مع الملك عبدالعزيز رحمه الله

3/ مفرج بن جويعد العرادين : من فرسان قبيلة المشاويه وقد قيل فيه

البـــوش لحقـــه فارس خيـــال=فكــه وخــلا البوش في مفلاه
لحقه بن جويعد ماضي الأفعال = وشلفاه شربة من ثنادى عداه
صبوا للمشوي أشقر الفنجــال=ويضـا كــبش تقلـــبه يمنـــــاه

4/ نصار بن قريعين آل بنيان : فارس ومن عقداء قبيلة المشاويه شارك في هية العريق مع قبيلة الغييثات ضد قبيلة سبيع وشارك مع قبيلة العجمان ضد قبيلة مطير وقد قيل فيه

نصار لاركب على خيله = يطمر لا عسكر الدخان
يانفـدا اللــى خذا نيـله = بنت ميبس الصمــــلان

5/ منصور بن غصين : فارس وأمير قبيلة المشاويه شارك الملك عبدالعزيز في عدة معارك وله مواقف مشرفه معه وقد قيل فيه

وأبوه أمير القوم في سر وجهار = منصور مع التوحيد فعله هوايل
يوم هاك الــيوم مافيــه معــذار = أميــر أسبـوره يرقبــون التلايــل
له موقف مشهور بالحرب جبـار = بنجران وجده يــوم ذيـك الكتايـل

محمد بن فهيد الشمالي آل بنيان: فارس وعقيد ويلقب ( ابو ديره ) وقد قيل فيه

الهجن طربت تبى المسرى = زهمت ضوى ابو ديره
يامــا فجــع صـدر مـن ملحا = ولا من الظان بالخيـره
يفــداه مـن بـدل المسـرى = وحط بالمصرب ذخيره

7/سعد بن غصين : ويلقب ( عقيلان ) فارس من قبيلة المشاويه كسب في أحد المعارك فرس يقال لها العبيه وأهدها لأخيه وشارك في فتح جده ونجران مع الملك عبدالعزيز رحمه الله

8/ برجس بن مهذل العرادين : يلقب ( خيال العشاير ) فارس من فرسان قبيلة المشاويه

9/ هادي بن غصين : أمير قبيلة المشاويه في وقته وشارك في فتح جده ونجران مع الملك عبدالعزيز رحمه الله وشارك مع قبيلة الغييثات في العريق ضد سبيع وجبها ضد الفغم وضد العضب من الدوشان



وشكرا لكم ...............