اقتباس:
المشاركة الأصلية كتبت بواسطة شافي النتيفات 
ابيات مساهمة مني في اعتاق رقبة ابن العم / سعود بن عبدالله الصخابره لعل الله ان ينفع بها
تكفون تكفون ياهل الطيب واهل الفعول = اللي تبيّن ليامن جات حزاتها
اهل الظفر والكرم والجود فعل وقول = اتّثبت افعالها لاجات وقفاتها
خطلان الايدي رجال المجد نعم الزحول = وقفاتكم جات يالابطال حزاتها
وقفاتكم بانت وكل عرف ويش اقول = في اسبوع هانت على لجواد ضيقاتها
يوم ابن عواد جيتو ماتغيب صمول = ويوم ال بريك انتخو جيتو بهقواتها
وقفاتكم ماتعدد ياجمال الحمول = اللي تبين نهار الضيق فزعاتها
واليوم يوم الرجال اللي تعرف الاصول = يوم الدواسر وذي يالربع عاداتها
ولدكم اليوم ينخاكم ودونه قفول = يقول عيني تبي ياعزوتي ذاتها
يدعي عسا الله يوفق في دعاه القبول = ويرجي عطا من اليدين وجود مسعاتها
وانا هنا اليوم بنخاله وانا له رسول = وارفع بصوتي لربع تظهر اثباتها
وانتم كفو والحبل من شدكم مايطول = سعود ينخى وعينه وين نظراتها
في موقف يابني عمي بصيته يهول = وانتو لها ردوا النفس لملذاتها
يازين جمع النشامى والتكاتف يطول = والكلمة الواحده تنهي مهماتها
والتفرقه ياعرب مامن وراها محصول = الا التعاسه على الدنيا وغاراتها
دنيا الشقا فانية واللي عليها يزول = كم غافل من غثاها ذاق لوعاتها
اخوي الشاعر الكبير شافي بن راشد النتيفات
صح لسانك والله لايهينك وعزالله انك كفيت وفيت ونعم الرسول
قصيده مدويه بصوت جهوري تحمل في طياتها النخوه والفزعه والحمايا
والدوسر مايقصرون بهذي ومثالها جعلهم مايعسرون سباقين بفعل الخير ولا لهم لايم
عسى الله ان يكتب لاخونا سعود بن عبدالله بن شويرب الخروج من السجن
شافي بيض الله وجهك وكثر الله من امثالك
تقبل تقديري وحترامي