ياسلام الله على أهل الوادي اللـي مانمـره=غير في وقت المصيف اليا بغينا أبها وهلها
صاحبي سلطان ماله في طوارف هيت جره=لو يمر العاصمه في ربع ساعـه مانزلهـا
مرحبا ترحيبة فيها المسرة والمضـرة=ياصحيبٍ ننقض بيوتـه ليامّنـه فتلهـا
كان يافيحان في تالـي ليالينـا تشّـره=دام جبت الكايدة من بدع راسك فاحتملها
البقا باالصاحب الي مانبي خيره وشـره=مير لاينسى العلوم الي مع اصحابه عملها
يوم ضاق الكون باهل المرجله بحره وبره=قالـوا أهـل العـرف ماشـال الحمـول إلا جملها
مانسينـا يالقعيانـي ولـو مثقـال ذرة=لاتنبّـش سالفتنـا الاولـة دور بدلهـا
لاتفر الدرب عرض وطول لنك لوتفره=منت لاقي غير بنتٍ عارفينٍ من فحلها
منكر المعروف ياوجه السعد جيبـه يطـره=لاتجاهلها تـرا العقـال مانرضـى جهلهـا
الحلاوه بعدها ياصحابنـا عشريـن مـره=مير بعض الناس مايعرف رضاها من زعلها
عقب ماجبنا الغنايم جيتنا جمرك تكـره=طيع شوري يالقعياني وسقها في مهلهـا
كان جاك البرد ثوبك من لهيب البرد زره=وكان دورت العلوم الثانية تلقـى دبلهـا
جنب الاجرب ياالدواسر مشتهي طليه وجره=والله أني قد نصحته والنصيحـه ماقبلهـا
مير يبشر باالكوايا اللي على كبده تحـره=ماتريح صاحبي سلطان مني ليـن أكلهـا
يالربع فيحان يسمع عود مير العود غـره=جاب له جمرة عذاب وقال يافيحان شلهـا
وجا مصفي كل طبلونه يبي نجم المجـرة=مادرى انه لو يعض العشر يبطي ماوصلها