[معلومات العضو ابومبخوت الدوسري]

السلام عليكم ورحمة الله وبركاته اعضاء وزووار منتدى قبيلة الدواسر الرسمي يسعدني اقدم لكم قصيده من اجمل القصائد التي مرت علي وهي من جديد الشاعر الكبير الشيخ / محسن بن فالح الشكره الدوسري اترككم مع القصيـــده

يقول فكرت في الدنيا وشفت الغياره=ولقيت فالعنوان كسره وضمه
وفوضى البداوه وانفتاح الحضاره= تجمعت في غيمتن مدلهمه
وصبت مطرها في علو الزباره= مع عجتن مافي نحاها تخمه
وكم عباره من وراها عباره = وما كل عد فيه للورد جمه
واللي يضيع الليل يتنا نهاره= وان كان ضاع الصبح جاب المطمه
للجد وقت غير وقت العياره= وللموج قاع وللحاليح قمه
وهديتن فيها صلاة استخاره = مثل الصلاه اللي على غير يمه
يضرابها رجلن ضعيفن شناره = والحر لا من قال قوله يتمه
وبعض السوالف ما وراها نماره= لا غاب عنها الفعل ما هي مهمه
قولن بلا فعل قليلن وقاره = من يحتزم به كل رجلن يذمه
وريف الوخم محدن نشد عن خضاره = ياللي تجوري الهدايا اتزمه
واللي يقول الطب در الحماره = مافيه لا غيره ولا معه ذمه
وروس النشاما ماليتها النعاره = يا اللي معك راسن تصاغا مع إمه
وكبودهم فيها الطنا والمراره = وكلن معنز بين خاله وعمه
والهرج في بنك الندامه تجاره = مثل الهوى مدري من اللي يضمه
وبعض المكاسب يا المسما خساره= يفرحبها اللي ناوي لك بنمه
يحرق مجالك يوم يلقى شراره= ومن يبغظك يصرها وسط كمه
والحر يفهم مقصدي بالاشاره = ويكفي عن التخصيص قافن نعمه