::: مـنتدى قبيلـة الـدواسـر الـرسمي ::: - عرض مشاركة واحدة - راكـــان بــن حثـلــيــن وقصتـه مــع الخـيــار
عرض مشاركة واحدة
قديم 13-04-2005, 02:39 PM   #1
 
إحصائية العضو








ابـو مــحــمــد غير متصل

ابـو مــحــمــد is on a distinguished road


افتراضي راكـــان بــن حثـلــيــن وقصتـه مــع الخـيــار

عندما كان أمير وفارس قبيلة العجمان راكان بن حثلين رحمة الله عليه في سجن الأتراك ،وفي أحد الأيام قدموا له صحن وفيه((خيار)) وهو نوع من الخضره ،وكان أول مره يراه فلما قالوا له اسمه تهيض وقال:


يالله يامعطـي العطايـا الخـيـارا=يامعطي الجنة عبيـدك مـن النـار
ويالله ياخـلاّق لـيـل ونـهـارا=متعاقـبـات دب الايــام سـيـار
والي طلعت شمسة وبـان النهـارا=والناس تسعى بالدلايـل والانظـار
قالوا(خيار) وقلـت ماهـو خيـارا=ولافي خيار(ن)كود زينات الاثمـار
خيار الملا ألملتقـى فـي الزيـارا=محمـد نـبـي الله ناتـيـه زوار
وخيار البيوت كبارهـا والصغـارا=نزور بيت الله حجابن عـن النـار
وخيار السبايا مسرجـات المهـارا=لاروحـت مـع اول الخيـل عبـار
وخيـار الأباعـر طيبـات البكـارا=وخطوا رجوح(ن)بأول الذود معطار
وخيارتـي ربع(ن)قـروم سطـارا=يفرح بهم قلبي اليا صـار ماصـار
لا طـار ستـر مخبيـات العـذارا=والي شبك صوت الزعاريت والثار
واليا تعلوا فـوق قـب(ن) تبـارا=فزعاته تجلي عن الكبـد الامـرار
وماقلطوا للضيـف كثـر العـذارا=والكل منهم يكرم الضيـف والجـار
وصيانين فيهـا الشحـم والفقـارا=ودلال فيهن أشقـر البـن وبهـار
وانا لقيت خيـار بيـض العـذارا=ماهازها راعي الردى سر وجهـار
ابـو قـرون كاسيـاتـه نـثـارا=متحدر(ن) من فوق الامتـان نثـار
وحجيجه مثـل القلـم يـوم سـارا=بيت الطلاحي يصبغ الحبر وان سار
والعين عيـن موحشـات الحـرارا=والحر الاشقر لابرق الريش عفـار
وبريطماتـه كالبرسيـم صـغـارا=شبة الحرير اللي على الصدر بزرار
وثنيـواتـة كاللـولـو عـفــارا=شبة البرد وان هلتة مزن الامطـار
ياشبة لريم (ن)لا جفـل واستـذارا=يشبة لريم(ن)مرتعة عشب الاقفـار
وصلاة ربـي عـد رمـل الزبـارا=على النبي داس غبـات الاخطـار

مـــــنــقول مــن الأخ العمــــانــــي

 

 

 

 

 

 

التوقيع

    

رد مع اقتباس