بسم الله الرحمن الرحيم
السلام عليكم ورحمة الله وبركاته
هذه قصيدة الشاعر معيوف بن مبارك المسعري الدوسري في حفل افتتاح ميدان صاحب السمو الملكي الأمير سعود بن نايف بن عبدالعزيز في الدمام وكان راعي الحفل الأمير جلوي بن عبد العزيز بن مساعد آل سعود نائب أمير المنطقة الشرقية
اقبل سلامي يا طويل العمر
يا هاجسي معاد فيها لا يسار ولا يمين ... يومين ووقف على اللاقط وابث ارسالها
واستعصم بحبل الله اللي ما لنا غيره عوين ... اللي ليا ضاقت على ابن آدم يفك احبالها
الواحد الفرد الصمد ما له شريك ولا خدين ... اللي بسط سبع وسبع في العلالي شالها
واليوم انا حاضر وجنبي لا احتمى الموقف متين ... ولا نيب بالش في العلوم قصارها واطوالها
انحت صخر ومتع الحضار بالدر الثمي ... واسوقها سوق الرجال اللي تسوق جمالها
لعيون ابو عبدالعزيز اسوق قاف ما يهين ... ما هي سواليف تقصر وجه من هو قالها
يا مرحبا يا سيدي جلوي على سمن وسمين ... ترحيبة من حشمتك بلحالها بالحالها
تطلع من التقدير وتعانق نجوم الفرقدين ... وتبرك علا يدها علا شانك حضرت قبالها
وفيها من انواع الترف على مزاج الياسمين ... ومرصعة بالماس تبرالك قبل تبرالها
لانك كريم النفس واليمنى لها فعل مبين ... لا يا بعد ناس على المعسر تصر اموالها
ولان التواضع فيك فطره من اله العالمين ... ولن المراجل في يمينك داير فنجالها
ولانك مع اهل الخير تفعل خير يا ذرب اليمين ... تبشر بها يا امير والحسنة بعشر امثالها
ولان الشجاعة تطبخ في راسك الى ما يلين ... وتثبت لصلفات الحمول خفافها واثقالها
يا نصره المظلوم يا ناطح وجيه العايلين ... يا كاسب الامداح والدنيا على موالها
على الطلاق انك ملاذ الى تصلفقه السنين ... اللي حياته من صواديف الزمن يرثالها
نائب لأمير محمد ونعمين والله بالثنين ... ها ذاك ابو تركي وداره رافع منزالها
لاقلت انا محمد يزين المدح والمعنى يزين ... ولد فهد رمز الفخر للمملكة وارجالها
ابوه تاريخ من الامجاد مزبان الزبين ... طهر كويت العز من بقعاء وشين اهوالها
الفيصلي وقف مواقيف تسر الناظرين ... لوحة شرف للمملكة من جالها لجالها
والحين ابو متعب وابو متعب جمع دنيا ودين ... صقر العرب هم العروبة فوق همة شالها
غيث المواطن طيب النيه ملاذ المسلمين ... الي ليامنه عقدها يبتلش حلالها
وولي عهده سيدي سلطان سلطان الأمين ... الي يمينه بالعطايا راجح مكيالها
يشهد له الأقصين عن مدته قبل الاقربين ... ما له شبيه الا السحاب اللي تهل خيالها
انتو ذرانا يا طويل العمر في شدة ولين ... خياله العوجاء جدار المملكة وابطالها
حكامنا آل سعود ستر وجيهنا عن كل شين ... في ظلكم بنت الحمولة ما يدنس شالها
وحنا لكم يا سيدي في الأزمة حصن حصين ... قومن تضحي دونكم بموالها وعيالها
دواسر تعلن ولاها كل وقت وكل حين ... ما هيب لامن شانت الدعوى تشل ارحالها
واقبل سلامي يا طويل العمر واسمع كلمتين ... ترى عيال احمد علا شوفك يهل هلالها
شعر: معيوف مبارك الدوسري