بان وجه الكلام وبانت الحمْره
يوم اسمك تبختر من على لساني
يقبِل احلى السوالف بآخر السمره
يقفي ألحان عاشق للقاء عاني
يسرق الليل والنجمات والقمره
اسمك .. ان ماتت اسماء ماهو بفاني
كنت اعرف الدروب ومن انا بأمره
عاد هالحين مدري وين ابـلقاني
ياهلا بإحتضان الثلج للجمره
ياهلا بصبحْ وجهه .. بيض الأمزاني
هي نهاية هلاكي بأول الخمره
او بداية سلامي بآخر احزاني
[/CENTER]
للسعد اغنيات وللنكد زمره
بعد مامات قلبي فيك واحياني
آتقهوى وصالك والغلى تمره
وارتويبك قصيدٍ بك تحداني [CENTER]
وش كلامك وعمري سلمك عمره
ذي حياة .. وحياته مالها ثاني
جاك كل الكلام وغابت الحمره
هات قلبك يبلل يابس اغصاني
.. تحيآتِي ..
