[معلومات العضو أصمعي الدواسر]

الظيرين منطقة في حدود الدواسر الشمالية عند هضب آل زايد ، ويوجد بها عدة ابار وهي لقبيلة المخاريم الدواسر .

وفي احد السنين ورد الشيابين على احدى الابار ورفضوا تسليمه ، وكانت قد اغرتهم كثرتهم ، فاندلع نزاع مسلح بين المخاريم والشيابين .

وقام ابن ربيعان امير روق من عتيبه بارسال خمسين جمس كل جمس فيه ثلاثة رياجيل فزعه للشيابين ، فلمّا علم الأمير خالد بن أحمد السديري (رحمه الله )امير نجران انذاك، قام بتزويد المخاريم بالسلاح الذين كانوا قلة بنسبة للعتبان.

ودارت معركة استمرت يوما كامل وانتهت بهزيمة الشيابين ومن معهم وقتل واحد منهم والكثير من الجرحى لدرجة ان الاطباء بمستشفى بيشة العام تفاجئوا بكثرة الجرحى الذين اتوا منهم.

يقول الشاعر بخيتان بن ظافي بن مترك المخاريم الدوسري من قصيدة طويلة:

يوم ٍ على الظيرين مفطومه يشيب = من الصبح لين العصر حل وجابها
يوم المشوّك تصطلى نهاره لهيب=اللي حضر منا كفا غيّابها
(لاد المنيعي) هم عمى عين الحريب=معهم بلاجيك ٍ تغرّى رقابها
تغرّيه من دم المعادي والطليب=ومن دمّهم يخضب عليها خضابها
الهضب والله من على وقت النهيب=تهابها الأصحاب هي واجنابها
ياهيتين بينهن وقت ٍ قريب=سبوع اللي عارفين حسابها
فعل ٍ غريب وجاء بعد علم ٍ عجيب=حيّا العلوم الطيّبه حيّا بها

وهذه قصيدة للشاعر محمد بن عبيد المخاريم :

ياسلام الله كل ماهبت هبوب = يارجال في اللقا تحتمي حدّانها
يوم ابن (وتن) يقطع على شلقة جيوب = لابتي بلاً اربعة مير ربي عانها
لاد المنيعي موطية الصعوب = تحتسي حسو النواميس في ميدانها
ان وزاهم مجرم لازم غصب(ن) يتوب = يرجع لربه ويعتاذ من شيطانها
السبيعي طرد لين انقلع فاقصى الجنوب = وذي عتيبه للدكاتر تشيل اكوانها

لاد المنيعي: المخاريم
ابن وتن: من الشيابين


قصيدة عبدالله ابن محمد ابن خزيم الرجبان((االدندان))

راكب اللي ما بعد دوروا فيهـا الحليـب=لاحت اللعـاب ترمـح سمـارة ظلهـا
نصها اللي يفرقون الحبيب من الحبيـب=لابـة لطـم المعاديـن عـادات لـهـا
دارهم من عصر بدران لا الجد القريـب=دونها صلف أملح الدرج مـازون لهـا
مشت الهضب المسمى عوى له كل ذيب=مخلبك ياللـي تبـي منـه حيـد خلهـا
لاعوى ذيب من الهضب لج ألفين ذيـب=كلبوهـا هضبهـا ورث جـدان لـهـا
كحلها البارود والصلف والراي الصليب=والسلال الخضـر يانافـدا مـن شلهـا
نوم عينـي فعلكـم ياموطـة الحريـب=يارجال الحرب ياهـل المراجـل كلهـا
إلبسوا ثوب النقاء لا ارتفع صوت النديب=والحبال اللـي عقـد روسهـا بيحلهـا
لين يسع بالمحط الشريب مـن الشريـب=كون بالحسنـى فـلا الله بقطـاع لهـا

هذا واللي عنده اضافة او تصحيح للسالفة نرحب به وشاكرين له.

منقول من الكاتب الأصلي العماني