السلام عليكم ورحمة الله وبركاته
( أمير وشاعر من الدواسر )
-- من منا يا أخواني لم يسمع بالأمير الشاعر ( محمد بن أحمد السديري ) فهو أشهر من نار على علم . فهو أمير قبل أن يكون شاعر وكان قائدا كأبيه . عائلة ( السدارى ) هي من أنجبت هذا العملاق الكبير بأفعاله الداهية بأشعاره - رحمة الله عليه - .
-- نبذة عن الشاعر :- هو الأمير ( محمد بن أحمد بن محمد بن تركي بن سليمان السديري البدراني الدوسري ) . وهو غني عن التعريف لما له من شهرة واسعة ومكانة كبيرة وشاعرية فذة فهو اديب كبير ساهم في خدمة الادب الشعبي ورقيه وتألقه .
-- نشأته :- ولد عام 1340هجري تقريبا في مدينة ليلى بالافلاج .-- سيرة حياته :- أنتقل من مدينة ليلى بالأفلاج التي كان والده أميرا بها الى الغاط . ونشأ وترعرع هناك في كنف والده ودرس الابتدائية على يد الشيخ عبدالمحسن المنيع شغف في بداية حياته بركوب الخيل وكان معروفا بسرعة العدو الجري حتى قيل: انه كان يلحق الصعاب من الابل ويمسك بها مارس هوايته المحببة ركوب الخيل والهجن كما انه كان مولعا بالقنص واقتناء الطيور النادرة,, في السابعة عشرة من عمره اختاره الملك عبدالعزيز - رحمهما الله - اميرا على الجوف سنة 1357ه واثبت وجوده ودرايته وكان مما قام به تصفية قطاع الطرق والخارجين على الدولة على الحدود الشمالية والشمالية الشرقية ثم انتقل الى منطقة جيزان عام 1363هجري وتولى امارتها ومكث هناك، وعندما ثارت المشاكل على الحدود السعودية اليمنية بعد الاطاحة بالامام يحيى بن احمد سيطر معاليه على الحدود بحنكة ودهاء وعين عام 68هجري قائد للفدائيين السعوديين في فلسطين ثم اختاره الملك عبدالعزيز محافظا لخطوط الانابيب وقرر رحمه الله ان يتخذ مدينة عرعر مركزا للمحافظة وكانت حينذاك صحراء قاحلة وخوله الملك عبدالعزيز للتصرف بالاراضي فأسس ثلاث مدن رئيسية هي عرعر والقيصومة وطريف وساعد ذلك على توطين القبائل حتى اصبحت مدن مليئة بالحركة والنشاط والتقدم,
بعد وفاة الملك عبدالعزيز نقل الى جيزان مرة ثانية ثم اعتزل المناصب الا انه عاد وتولى قيادة الجيش بالمنطقة الجنوبية ومكث ثماني سنوات حتى انتهت حرب اليمن وعاد وقضى بقية حياته متنقلا بين الطائف ومزرعته الخفيات شمال بريدة على طريق حائل حتى داهمته ازمة قلبية حادة لازم الفراش لمدة شهر حتى توفي عام 1398هجري بالرياض ودفن بالخفيات في شمال القصيم - رحمه الله - وأسكنه فسيح جناته وقد رثاه عدد كبير من الشعراء بقصائد تدمي القلوب .
-- من قصائد الرثاء فيه :-
ابو زيد ياليت الدهر ما غدى بـه=ياليـت نفسـه توهبـت هبوبهـا
رحل عن الدنيـا وذكـراه باقيـة=وسط المجالس معجزاته حكوا بها
ابو زيد نطاح الامور الصعايـب=لولا الشهود الناس ما صدقوا بها
الله مـن نـاس تذكـر محـمـد=إليا ابتلتهم مشكلـة وابتلـوا بهـا
-- نعم كان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من جميع انحاء المملكة والخليج بل والدول العربية من ادباء وشعراء كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة ملما بأحوال العرب واشعارهم وأدبهم وحروبهم ومواقفهم عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة وشعره القوي العذب له عدد من القصائد يفاخر بها ويحق له الفخر منها قوله :-
الله مـن هـم بروحـي سهجهـا=بخافي ضميري في كنين الحشا لاج
احـر مـن نـار قوقـد وهجهـا=منها خطر روحي على سلك ديباج
وعين عسى المولى يعجل فرجهـا=يفوح ناظرهـا كمـا عيـن هـداج
استرسلت للدمـع مسمـار هجهـا=غيظ يكظ عبارهـا مثـل الامـواج
كم واحـد لـه غايـة ماهرجهـا=يكنها لـو هـو للادنيـن محتـاج
يخاف من عوجا طـوال عوجهـا=هرجت قفا يركض بها كل هـراج
يقضب عليك المخطية من حججها=حلو نباه وقلبه ابيض من الصـاج
الله خلـق دنيـا وسـاع فججهـا=وعن ما يريب القلب لك كم منهاج
والرجل وان شطت لياليك سجهـا=عسـى تواليهـا بتشـر بالافـراج
-- اما قصيدته الثانية التي لاقت شهرة واسعة وصدى طيبا والتي تغنى بها اخيرا فنان العرب محمد عبده وأداها بلحن جميل واثبت ان الشعر الشعبي متى ما وجد من يخدمه بالشكل اللائق فانه ينجح نجاحا باهرا وان له عشاقه ومتذوقوه الذين يطربون له ويفهمونه ويتفاعلون معه,, القصيدة التي معانيها جزلة وتصويرها بديع وهي مترابطة وسلسة وبها من الحكم ما لا يقوله الا حكيم مجرب اذ يقول شاعرنا :-
يقـول مـن عـدا علـى راس عـالـي=رجـم طويـل يدهلـه كــل قـرنـاس
فـي راس مرجـوم عسيـر المنـالـي=تلعب بـه الاريـاح مـع كـل نسنـاس
فـي مهمـة قفـر مـن النـاس خالـي=يشتاق له مـن حـس بالقلـب هوجـاس
قعـدت فـي راسـه وحـيـد لحـالـي=بـراس الطويـل ملابقـه تقـل حـراس
متذكـر فـي مرقـبـي وش غـدالـي=وصفقـت بالكفيـن يـاس علـى يـاس
اخــذت اعــد ايامـهـا والليـالـي=دنيـا تقلـب مـا عرفنـا لهـا قـيـاس
كـم فرقـت مـا بيـن غالـي وغالـي=لوشفـت منهـا ربـح ترجـع للافـلاس
يقطعـك دنيـا مـا لـهـا اول وتـالـي=لو اضحكت للغبـن تقـرع بالاجـراس
المستريـح اللـي مـن العقـل خـالـي=مـا هـو بلجـات الهواجيـس عطـاس
ماهـوب مثلـي مشكـلاتـه جـلالـي=ازريـت اسجلهـن بحبـر وقـرطـاس
حملـي ثقـيـل وشايـلـة باحتمـالـي=واصبر على مر الليالي والليالي والاتعاس
وارسـي كمـا ترسـي رواس الجبالـي=ولا يشتكـي ضلـع عليـه الـقـدم داس
يابجـاد شـب الـنـار وادن الـدلالـي=واحمس لنا يابجـاد مـا يقعـد الـراس
ودقـه بنـجـر ياظـريـف العيـالـي=يجذب لنا ربـع علـى اكـوار جـلاس
وزلـه الـى منـه رقـد كـل سـالـي=وخلـه يفـوح وقنـن الهيـل بقـيـاس
وصبـه ومــده ياكـريـم السبـالـي=يبعـد همومـي يـوم اشمـه بالانفـاس
فنجـال يغـدي مـا تـصـور ببـالـي=وروابع تضرب بها اخمـاس واسـداس
لاخـاب ظـنـي بالرفـيـق المـوالـي=مالـي مشاريـه علـى نايـد الـنـاس
لعـل قصـر مــا يجيـلـه ظـلالـي=ينهـد مـن عــال مبانـيـه للـسـاس
لاصـار مـا هـو مدهـل للرجـالـي=وملجا لمن هو يشكـي الضيـم والبـاس
بحسنـاك يامنشـي حقـوق الخيـالـي=ياخالـق اجنـاس ويامغـنـي اجـنـاس
تجعـل مقـره دارس العـهـد بـالـي=صحصـاح دوِّ دارس مـابـه اونــاس
البـوم فـي تـالـي هـدامـه يـلالـي=جزاك ياقصـر الخنـا وكـر الادنـاس
مـتـى تـربـع دارنــا والمـغـالـي=وتخضر فياض عقب مـا هيـب يبـاس
نشـوف فيـهـا الديـدحـان متـوالـي=مثل الرعاف بخصـر مدقـوق الالعـاس
ونثيـر علـى البيـدا سـوات الزوالـي=يشرق حمـاره شرقـة الصبـغ بالكـاس
وتكبـر دفـوف معبـسـات الشمـالـي=ويبني عليهـن الشحـم مثـل الاطعـاس
-- ومن القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه :-
ياقلبي اللي من هوى البيض معتـاذ=واليوم اشوف الوجد والشوق بـذه
حسبي على اللي للمواصيل جـذاذ=حبل الوصل من بيننا البعـد جـذه
يسقـي منـازل ليـن العـود رذاذ=يلقى بهـا ظبـي الطعاميـس لـذه
الصاحب اللي عن هوى القلب مالاذ=لاقلـت دوك القلـب يازيـن غـذّه
ولانيب من هرجـه كثيـر وهـذاذّ=ماشـاف فـي ليلـه نهـاره يهـذّه
عساك تأتي لـي يابـو زيـد نفـاذ=قلب تحذى الشـور ياخـوك حـذه
-- وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال :-
أسهر طوال الليل واغضي على الحاذ=وعن الصديق القلب مـا فيـه شـذه
شكواك خلت بسـرة القلـب تخـاذ=ولا عاد في قلبي مـن الصبـر فـذّه
اللي يا بو بندر جعـل قلبـك افـلاذ=مشربـك ياممـدوح الأفعـال عـذّه
طفل سهـم عينـه بالاعمـاق نفـاذ=والحـق عليـك بقـذة عقـب قـذّه
ان كان مالـك فيـه مدخـل ومنفـاذ=له الشبك فـي مدهـل الصيـد بـذّه
وإليا دخل وسط الشبك يابن الافـذاذ=غوجـك لساعـات المهمـات حـذّه
-- اما المساجلة الاخرى فهي بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري :-
يازبن ودعناك في يوم الاثنيـن=لعلها لك ياخو صنعـا مسافيـر
بجيـرة الله ياعشيـر الغلاميـن=يامقفي عنـا ذكرنـاك بالخيـر
نغليك يوم إنك بعيد عن الشيـن=وريف لضيفك في ليال المعاسير
يوم تغيبه عندنـا قـدر عاميـن=ويوم نشوفك فيه عز وتباشيـر
هذا الفراق اللي نظرناه بالعيـن=وعز الله انك ناوي بالمحاديـر
يازبن يالبراق بالله الـى ويـن=واسلم ورد العلم يازبن العميـر
-- فأجابه زبن بن عمير على الابيات الماضية قائلا :-
وانـا بعـد ودعتـك الله بتسعـيـن=وداعة من حفـظ والـي المقاديـر
ياباذل الحسنـى علـى المستحقيـن=ونطاح بالضيقات وجـه المناعيـر
ياللي بدرب الطيب جالـك براهيـن=ولبسـت بالبيضـا ثيـاب مشاهيـر
يبون دربك ناس واجـد وعجزيـن=يجي لهم من دون دربـك عواثيـر
ولا يختفي فعل به النـاس داريـن=لين انها تمحـى الجبـال المزابيـر
من يوم عنك اقفيت والقلب والعيـن=عندك وفي جسمي تشب السواعير
-- وله ابيات تظهر لنا حكمته وعقله وسعة علمه واطلاعه وايمانه بالله عز وجل فيقول عن المعجزات الثلاث :-
لولا الهرم والفقر والثالث الموت=يالا دمي بالكـون ياعظـم شانـك
سخرت ذرات الهوى تنقل الصوت=وخليتها اطوع من تحـرك بنانـك
جماد تكلمها وهي وسـط تابـوت=تاخذ وتعطي ماصدر مـن بيانـك
وعزمت من فوق القمر تبني بيوت=من يقهرك لو هو طويـل زمانـك
لولا الثلاث وشان من قدر القوت=نفذت كـل اللـي يقولـه لسانـك
أخوكم :- الهيلاني .