السلام عليكم ورحمة الله وبركاته:
اسعد الله اوقاتكم بالخير والمسرات:
هذه قصيدة للشاعر محمد بن مرجي العنزي في ابن العم/ سالم بن سحيم آل سحيم رئيس محمية الخنفة بتبوك:
سالم بن سحيم
رجمن نبا لي ثم زهالي علوه
ارقبتبه ثم حد قلبي على اقصاه
وطرى علي الشيخ راع المروه
اللي كسب كل المراجل بيمناه
الدوسري سالم على الطيب نوه
يالله عسى الانذال والعفن يفداه
انشهد انه بالعلا شب ضوه
وعلى دروب الخير مشيه ومسعاه
الطيب ورث جدود ماهو بتوه
وروس الجبال النايفه دوم مرقاه
ان كان جوه ضيوف يازين جوه
العود الازرق والكباش المرباه
والا قعودن من نياق المدوه
مرباعه الخنفه وقيظه ومشتاه
لين مع الصاحب وصلف لعدوه
ويرم الهدف وان كان له زان مرماه
عامن وحنا خوتن حي خوه
ويقظي لوازمنا اليا من نصيناه