الشاعر/ حمير بن علي الرجباني الدوسري
قل هو الله احد الله الــفرد الــــصمد = ولعـن الشيطان ولي بـعد ينسا الجميل
الليالــي علمتني علــى صبر وجــلد =مير فاح الصدر فوح الـدلال الـي تشيل
يا الله لا تبقي على الأرض من الرديان أحد = ويا الله لاتغنـي ولاترحم القـن البخـيل
كل ماهـزيت عــوداً بيمناي أرتعـــد =والرديني مالقيـته وأنـا عـودي جلـيل
وأن بغيته ضاع في السبت مدري في الأحد = ولاذكــر لاصوب حاشد ولايمة بكيــل
وجعل بنت الاش ماتفرح بشوف الولــد = مانبي كـثر العدد همنا شوف الحصــيل
مير منهوا راح فيروح فـي حبل مســد = ماحسبـنا الثعالــه ولانشري الفتـــيل
كون خطوا نادراً مــن زرع جده حصــد = جد مجــداً عد عداً قـراح سلســبيل
ومـن تردا ماذكرته علـــى الدنيا أبــد = ميت الحيـين ما يخـلف الــرجل الدليل
حافضين المرجله واسلــوم الي تعــد = لا زهمنا مــن زهمنا رفعنا بشلـيل
ضربنا في الراس ولّى على روس القفــد =والكـرم زرعاً زرعـناه وعروقه تســيل
أن غضبنا قلت جهال من فـي ذا البلــد = وان رضينا قلت مالهم على الدنــيا مـثيل
لا يغرك من دعيبه فـي كشف العمـــد =سالفه لو حــكمت كان قلــنا يا الدلــيل
ثم غزاها تالي الـوقت مسعــود وسعـد = شــونتٍ للــي عجز مايــحصله حصيل
الثعاله شـرفت فــــي المبادي للهـدد = والذيابه داجت أمس علــى سوداء نثــيل
والكلاب الــي تنابح لغــاصمها غــدد = والــعلاج بتالي الوقت مايفيد العلـــيل
لـوحكمت الليالي مع السيف الحرد = مارفع كلٍ أحجاجه على شــيخٍ جلـــيل
ان حدرنا وادينٍ حــدروبه لــه سنـــد = وأن سندنا سندوبه وكــلٍ لــه كفــيل
والشجاعه والشهامه ماهـي كتب وسنــد = وهبه من الرب والــقوم نادرهــا قلــيل
والصقـور الــي تهاوا بجنحان ألسعــد = رزقها عند الولــي والـــولي مده جزيل
والسعــودي رايتـه قــل هو الله احـــد =رايه يازينهـــا لاتـــزاح ولا تمــيل
ولا وقفنا عند بيبان مضهــودٍ ضهـــد = ولا عطينا المد نبغي لـنا صــاع يكــيل
ولافعلنا الطيب نبغي شهادة مــن شهــد = الرجال بكلــمة الحق تصـــهل ما تميل
والله ألي قال خلق ابن آدم فــي كبـــد = وأشـهد أنـي شـفت شي يهيل ويستهيل
اعملا ذا الوقت غطت على أنطوني لحــد = عندها عشرين وجه تـقيل وتستقــــيل
والليالي وجهها من عـرب وقتك بـــرد = عايشين في نفاق على الأمـــه دخيـــل
ولاحنيتة كــون لـلي محمد له سجـــد = لو كليت العـشر جوع ٍ وشفــت المـستحيل
كلها مده قليــلة ونبقا فـــي لحـــد = والرجال الــخالدة ذكرها بــعد الرحيــل
مجاراة الشيخ الداعيه / عايض القرني حفظه الله.
يبرق البارق لمقدمك والراعد رعد=وأرضنا ترقص إذا جيت والشاخص يميل
الله من قلبٍ على نغمتك قام وقعد=كن قولك منهلٍ باردٍ من سلسبيل
أو كما العام خودٍ على المبسم برد=طاعمٍ في المسك والطعم طعم الزنجبيل
جعل عينٍ تنظلك نونها فيه الرمد=وجعل قلبٍ ما يحبك يقطْع بالصقيل
مير يا نشيد السحر لعلع ويسلم من نشد=عزوته بلاد زايد مزبنة الدخيل
يطرب القمري ويمسي يغنيها الصلد=والحمام إلا سمعها يرتلها هديل
يا حمير أسلم وجاك الوفا متن وسند=مثل غيث الحشرنوه يخيل ويستخيل
من رجال الأرد نعمين والعالم شهد=مانبي من خايب الجد والمفلس ذليل
مير لو رصاص الحرب يهمي مثل البرد=فوقنا يابوعلي في الجماجم ماتميل
نشرب الدم مثل شرب الموله للفند=اوننشق البارود كنه رياحين النثيل
ودخان إذا حضرنا الوغا كنه ثمد=نكتحل به والقنا عندنا مكحل وميل
ربعنا الأنصار في الحرب واردهم ورد=وحنظله منا شهيد وفي الجنه غسيل
جيشنا في بدر بدع وجّوْد في أحد=قطع روس الشرك بيمانا يشفي الغليل
طعنا صوب الكلى والحشايا والكبد=وضربنا بالسيف لجرب على راس القتيل
مانهاب الموت لو كان في شدق الأسد=باعت الأرواح في سوق يسلم من يشيل
مير وشبعد تطلب نحدثك عنا وش بعد=أقصر الهقوات تقفا ترى المسرى طويل
شيخنا لوحكا شوره تقول يازن بلد=وطفلنا من جودة العقل تقول شيخٍ ثقيل
والنميمه والخنا سوقها فينا كسد=ما تسمعنا الهرجة حقيرٍ قال قيل
أرتضينا منهج الله وبايعنا الفهد=وقتدينا بالنبي صاحب النهج الجميل
والذي ما يعبد الله يموت من الكمد=وش يبي بالعيش عيرٍ على المزود وبيل
عن صلاة الفجر ويل الذي عنها رقد=تايه مخبول يامشبهه بصحاب فيل
من يريد المجد يتعب ومن يزرع حصد=والنجاة بطاعة الله ويانعم السبيل
والله اللي صاحب الجود ماللجود حد=مدته تغني إلا قطْب الاش البخيل
يقبل التايب ومن رد ماكنه شرد=أمره النافذ ولو قلت هذا مستحيل
له نزولٍ بآخر الليل والعالم هجد=من دعا يكرم ويعطى وهذا كل ليل
ما نظمت الشعر لجل العطايا والرفد=ولاطلبت من الخلايق ولو وزنة فتيل
آه من علمٍ وشعرٍ بصدري له زبد=هايجٍ مايج نيفٍ على دجله ونيل
أتمهل وأطلب الشعر بالله هد.. هد=غير يغلبني بغزره وأنا جسمي نحيل
كم تفجر مثل سيل العرمرم وأحتشد=حطم الجدران ومن صطوته شل النخيل
مقصدة وادي الدواسر أيكرم من قصد=جودهم لوسال في الناس ينسي كل سيل
مير يامخايلْ وبل ليلٍ على القبلة ركد=زعزعته الريح وأقبل وله زبر وصهيل
له مناشين في محايل وزمجر في ضمد=راعده زلزل بفيفا ودوا في بكيل
أحتكم في ديرة الجود وأهمل وجتهد=كل شبيهٍ لدواسر ترى الغالي قليل
قالها عبدٍ لمولاه ما يعزا بأحد=غير رب البيت حسبي هو نعم الوكيل
والصلاة على محمد أتسير بلا عدد=وآل بيته والصحابه خلاصة كل جيل