مادعانـي للكتابـه وتنظيـم القصـيـد=غير شيٍ يوجـع الكبـد والله العظيـم
شفت انا بنات مركوبهم جيب فكس جديـد=مع لهن سواق في تالـي الليـل البهيـم
في تمـام الساعـه اثنيـن والله الشهيـد=وين صارت ؟ لعنبو جد من دشّر حريم
مايخلي حرمتـه باجنبـي غيـر البليـد=وين وجهه يرقد الليل والحرمـه تهيـم
ينقله في كل شـارع مثـل راع البريـد=اللهم لا شماتـه وعـفـوك ياكـريـم
ان بغت تستـأذن تقـول مانبعـد بعيـد=ومادرى لو تسري الليل مع خط القصيم
وكل ماطبت لها سـوق قالـت مايفيـد=تقضي الساعات بيـن العليـا والنسيـم
لعنبو وقتٍ بـه البنـت حطولـه عبيـد=مايصير بدين الاسلام وافهـم يافهيـم
يالرجـال الستـر قدامنـا يـومٍ شديـد=لاتغر زينة الوقـت والعاقـل خصيـم
ويابنات الديـن قدامكـن يـوم الوعيـد=التعوذ حق مـن كـل شيطـانٍ رجيـم
الستر هو زينة البنـت والحـظ السعيـد=احذري والخوف ممحيي العظم الهشيم
ياسلام الله على اللي حياها لـه رصيـد=بنت ناسٍ عن سواليف كل ابله حشيـم
يابعد مـن شالـت الفيصليـه والعنيـد=ويابعد من قالت ادّن وهاتن (ياسليـم )
الشاعر فواز الشمري