وهذه وقعه بين البدارين أهل ثادق والدعاجين من عتيبه إنتصر فيها البدارين وقتلوا أمير الدعاجين
والقصة منقولة من منتدى الدعاجين من عتيبة
هذه الوقعه حدثت بين البدارين الدواسر أهل ثادق والدعاجين من عتيبه وأسباب المعركه أن الدعاجين أخذو إبل البدارين أهل ثادق واقفوا بها فلحقهم البدارين وحصلت معركه شرسه إستبسل فيها البدارين فانتصروا في المعركه وقتل فيها عقيد الدعاجين نهار بن زنيدان
والمعركه عند أبرق عرهان والوقعه على وقت الأمير علي بن عيسي البدارين
وهذه قصيده للشاعر عبدالمحسن بن فوزان آل سويلم البدارين الدواسر
قال من فنه على الزير غنى بـه
وان بدا في هرجةٍ جـاب معناهـا
دار يا للي فرعة العتك وهضابـه
عقب شيبـان بنوهـا سكناهـا
حق نحمى حمى بلدنا ونرعا بـه
ما نبالـي كـل مـاراح يفداهـا
كم عقيد جاء يبيهـا حذفنـا بـه
للضًواري تاكله مات مـا جاهـا
سعد من حنا ضحى الكون له لابه
نحتضي بالقالة اللـى حضرناهـا
هيه ياللى تنقش الكف بخضابـه
جادلٍ بقصـور فيحـان مرباهـا
الذليل اللى خطبهـا تهـزا بـه
مالهابه لو من المـال ياداهـا
شوقها فعل المواجيب يحظى بـه
كل نفس شهودها فعـل يمناهـا
آل زايد فعلهم سيف وقضى بـه
للعدو هم علة الكبـد ودواهـا
قايلة يـوم الفكـر دار دولابـه
أذكر الله ثم اصلـي علـى طـه