[معلومات العضو غازي المسعري]

هي محاورة حصلت بعد إنتهاء شاعر المعنى بعدة أيام .

ودارت هاذي المحاورة بين كبير الشعراء / رشيد الزلامي , والشاعر الكبير / فلاح القرقاح .

أترككم مع المحاورة :

سلام الله على أهل الحفل والجمهور والقرقاح=ومن يسمع من الشعّار ياخذ وزعتـه منهـا
رمينا لين فرغّنا الحِزم مير الهدف ما طـاح=يبا ينشدني القرقاح عنهـا وأنشـده عنهـا
هلا يا مرحبابك عند قوم ٍ زندهم قـدّاح=يا راع السلعة اللي جات عند اللي يثمنها
ترا باب الحديد مقفل ٍ بالقفل والمفتـاح=تدوّر حاجتك تسعين ليلـة مـا تِعيّنهـا
لا تحزن يا ولد قحطان ياما جاء وياما راح=بوابير العجم وسط البحر خربـت مكاينهـا
بعد بكرة يجيك العلم من جمعية الأصـلاح=وهاذيك العلوم أحفر لها فالأرض وأدفنهـا
ألا يا صاحبي يا مبعد المسرى من المسراح=زهمنا العود وأثر العود لا يامـر ولا ينهـا
ركزت الوكر للشبوط واللي مخلبه جـرّاح=عليه الناس عند أتفه سبب تفقـد توازنهـا
أنا والله بصفك مير صار العلم زرق رماح=وقحطان العريضة قصّرت ما ودي ألعنها
ألا يا كثر ما تِخطب هنوف ٍ زينها ذبّـاح=لكن الله عطى واحد من الناس وتحضّنها
حما يا عزوتي لا صار فالميدان ضرب سلاح=عملنا ما عملنا والذخايـر فـي مخازنهـا
ملامتها على اللي لا ذخر سيف ٍ ولا مسباح=تحسبنك نصرت طيور شلوى وأنت غابنهـا
أنا خابرك رجل الغبة اللي تتعب السبّـاح=لكن أقفيت عنّا تمشط اللحيـة وتدهنهـا
على شانك تفاهمنا مع الطيّار والمـلاح=وقلنا رح يسار القوم وأزهل عندي أيمنها
أشوف عيونكم جعله يكحلها الرمد طفّاح=وخُطرّكم علي من مدة أدنى ما يشينهـا