::: مـنتدى قبيلـة الـدواسـر الـرسمي ::: - عرض مشاركة واحدة - شاعرنا الكبير برق الجنوب
عرض مشاركة واحدة
قديم 22-11-2006, 11:32 PM   #1
 
إحصائية العضو







الشكري غير متصل

الشكري is on a distinguished road


افتراضي شاعرنا الكبير برق الجنوب

بسم الله الرحمن الرحيم
السلام عليكم ومساكم الله بالخير والمسرات
هذي قصيده لشاعرنا الكبير ابو فهد ( برق الجنوب ) وامسي عليه بالخير
وحصلت عليها من احد الجرايد وكانت الصفحه مخصصه لرد على زلابا الفاتكان لعنة الله
عليه وكانت قصيدته معنونه ما غير اعتذارك ولم استغرب ان لقيت قصيدته فيها على العكس
لو ما حصلتها بين القصايد راح استغرب
وهذي قصيدة ابو فهد في (زلابا الفاتكان )
والسموحه من شا عرنا



ذا زمان الحثالـة يازمـان الزحـول= ارتفع فيه صـوت العالـم الملحـده
النصارى على الغزوه تـدق الطبـول= واليهـودي يزمجـر نافـخ إغـدده
الحروب الصليبية وذكـرى المغـول= داعبتهم وجاب الكلـب نبـح ولـده
وابن الإسلام ساقه بالقيود امعقـول= مايحرك سواكـن لـو يبـاد إبلـده
آه ياغصة ٍ باقصى الضمايـر تجـول= عقبها الطرف عيـا يهتنـي مرقـده
علموا حضرة البابا شبيه العجول= في الفكر والشكل جعل المرض يقعده
ندري إنه بدين الحق ماهـو جهـول= لكن الحقـد شبـت نـاره الموقـده
غاظهم ينتشر الإسلام عرض ٍ وطـول= في عقر دارهم دار الخنا المفسـده
دين فطرة تعاليمه تثيـر الذهـول= لاتعارض مـع المنطـق ولاتجحـده
مسلمين العقيـدة طاهريـن الميـول= و المسيح النبي عبـد ٍ ولانعبـده
انفخ الله روحه وأنجبتـه البتـول= ثم جت تحمله وهو يحكي في إمهده
مادعاه الله ابنـه واومـره بالنـزول= ولا إصلبوه اليهود ولارموه اوحـده
الخرافات هـاذي ماتخـش العقـول= لوتضـج الكنايـس بالخطـا تـردده
تستبين الحقايق بإنتهـاء الفصـول= ومن يجاهد مع الباطل يضيع إجهـده
رغم تشويه الاعلام وكـلام الخبـول= النصـر للحقيقـة قـادم ٍ بـ اسـعـده
كاهن الفاتكان يجيه يـوم ويـزول= خاسر ٍ في حياته والحشـر موعـده
من تهجم على الإسلام ولا الرسـول= أخرس الله لسانـه ثـم شلـت يـده
مانريد إعتذار من خبيـث الأصـول= ودنا بـأم خمـس راسـه إتبـدده


وما اقول الا صح الله لسانه ويجزاه الله خير على القصيده
والله لا يهينك يا بو فهد وجعلك والله تسلم
اخوك / ابو عبد الله الشكره


 

 

 

 

 

 

التوقيع


آلاد شكر هم اكعام المعاديني= صوارم في اللقا تروي شلافيها
ذباحة الحيل يوم الزمن شيني= مهوب يوم العرب فاضت مخابيها
يفرح بهم هاشل ذاق الامريني = والجار يامن بقصرتهم ويغليها
الشاعر الكبير برق الجنوب

    

رد مع اقتباس