يالله اني طالبك زود تقدير وسحا
وابتعاد من مريض بليد مافقه
استحي واقدر الكفو وكرام اللحا
واتغاضى واتحمل وكن فيني صقه
مايهم اللي تقولون يافرقة جحا
نحمد اللي بين العيب والطيب فرقه
الحياه ايام والوقت دوراته رحا
ومع مرور الوقت وايامنا نكسب ثقه
سلعة الطيب مخالط بعيدين النحا
ذايعين الصيت من منطقه لا منطقه
قسمت الارزاق بدري وراحت من ضحى
ويتغانمها نوادر حرار مطلقه
عزتي للي لعب به زمانه ماصحا
فاتك اللي فات والحق على ماتلحقه
اختصر ما قلت قول شهير ما انمحى
وجه بعض الناس كنه مغسول بمرقه