بسم الله الرحمن الرحيم
السلام عليكم ورحمة الله وبركاته
يقول ابن فطيس ،، كنت توي شاب في مرحلة الإعدادي
وجالس مع الوالد وربعه سوالف وعلوم رجال وقصيد
المهم واحد من الرجال قال يالربع اليوم كنت ماشي وانا في طريقي
شفت لي بيت شعر مكتوب على جدار يقول:
أعلان للـي مابعـد جـرّب الحـب === يترك طريق الحب قدر استطاعه
فيـه الهنـا ياتيـك ساعـه ويذهـب === وفيه العنا ياتيك فـي كـل ساعـه
المهم ابن فطيس يقول اعجبتني البيتين وقعدت افكر فيها بالليل.
تعرفون توّهـ شباب وقلبه اخظر مسك ورقه وقعد يكتب.
المهم من بكرة والرجال جالسين قال محمد يالربع ،، أنا رديت على البيتين للي مكتوبه على الجدار
وبقولها لكم :
اعـلان للـي مابعـد جــرب الـحـب === يسلك طريق الحب بـس بشجاعـه
فيه الوفا والغدر والصدق والكذب === وفيه الفـراق وفيـه شـوق اجتماعـه
حظك على حظك تشجّع وجرب === ان صـبـت والا غـيـر تـاخـذ منـاعـه
ضحك والد محمد بن فطيس الشاعر الكبير حمد بن فطيس وقال عطني الورقه ورد عليه
ويقول في رده:
أعــلان لـلـي مابـعـد جــرب الـحـب === يــتــرك طــريــق مـايــجــوز اتـبــاعــه
مع الرجا والخوف والياس والذنب === لــو دام وصـلـه مـاومـنـت انقـطـاعـه
شيئ غريب يشـاع بالشـرق والغـرب === تــركـــه قــلاعـــه واتـبــاعــه قــلاعـــه
صح الله لسان حمد بن فطيس وولده محمد بن فطيس
تقبلو تحياتي جميعاً