بسم الله الرحمن الرحيم
اهداء للشيخ عبدالعزيز بن مترك العجالين بمناسبة صدور الموافقه الكريمه على المركز الجديد
ياراكب اللي يقطع البعد مامون = هو منوة اللي يمتني شوف دارة
لو كان مسرع قلت ممشاه بالهون = وجاله مع خط الجنوب انحداره
توه مصدر ومعلنً بالتلفزون = يبسط هل الاذواق فخم الغماره
ابن جميل مورده بافخر اللون = ياخذ على كل المديل استثاره
نصّه لشيخ عنده الطيب مصيون = كريم سبلا ماحسب للخساره
مبروك يابومترك وبالقول ممنون = عبدالعزيز المرجله هي شعاره
مهنيّن ياشيخ عبر التلفون = لأولاد عجلان نزف البشاره
لاقراب والاصحاب والضد يدرون = عند آل معجب شيخة الشمل اماره
انتو شيوخً قبل قولت يقولون = ومن قبل لايصدر قرار الوزاره
انتو هل الديره وعليها تمونون = وكم واحداً يزمر قصرتو هجاره
واللي مشا بالطيب لمثله تطيبون = واليا رجع بالحق ياخذ وقاره
واللي يقول الزور والكذب ملعون = والشاعر يحمي كلمته باختصاره
حنا نجيب القاف والشعر مازون = اصوغ معنى البيت بفن وشطاره
حنا نبارك والجماعه يهنون = هاذا الفخر ياهل الوفى والنعاره
وانا من اللي بالمواقف يحضرون = الا دعا الداعي سوات النماره
خضران معروفين وبالحرب يرسون = وكم واحداً بالحرب هدو جداره
على العدا صعبين وبالطيب يافون = وعدوهم يسهل عليهم مزاره
لامن طروله فز من النوم مجنون = ويعدلون اللي مضيع مساره
وصلاة ربي عد خلق يلبون = واعداد ماينبت ويجنى ثماره
على النبي اعداد خلق يصلون = واعداد من صلى صلاة استخاره
اخوكم الشاعر \ سعد بن سالم بن سويحل الخضران
26 \ 12 \ 1431 هـ