( تغلبي لامـن زهمنـي تغلبـي/ وزايدي لامن زهمني زايدي)
أخي الفاضل : المراسل 502 يحفظه الله
السلام عليكم ورحمه الله وبركاته
التغلبي والزايدي عينان في راس وجسد واحد
والدواسر كافه هم أهلنا فلن ولن يستطيع احد التفرقه بينهم
ونقول كما قال الشاعر :ماجد المهنا الشكره الدوسري :
تغلبي لامن زهمني تغلبي
وزايدي لامن زهمني زايدي
ونضم صوتنا لبيان قبيلة المصارير العزيزة في وحده صف الدواسر كافه وعدم التفرقه ولم الشمل .
مسكين يامن يكيد المكايد وبحبل المصايد
بين الزايدي والتغلبي.. لانه لايعرف صيرورة التاريخ
وتشكل الانتماء فرابطة الانتماء والواقع الاجتماعي
يقول الدوسري التغلبي قديما
محمد بن الشرع بن مبارك العمور الدوسري
وجمعنا جمع الدواسر يشدي السيـف السليـل
يكسر العظم الجليل ويقصر الـروس الطـوال
بحر ٍ امواجـه تلاطـم مـن يلاطمهـا يزيـل
وان فزع للموج موج ومـوج تاليـه الـزوال
يشهد جريس اليماني يوم طـال بـه الطويـل
واصطفق بين الديـار ولا لقـا للجـال جـال
ليـن حـل بديـرة ٍ فيهـا يحـال المستحيـل
ديرة ٍ روس الدواسر وسطهـا مثـل الجبـال
عاشقيـن ٍ للمنايـا لا ولا فيـهـم هـزيـل
زبنوه من الشريـف وشالـوا حمـول ثقـال
والتقى الجمعين والجمعين مـا فيهـم ذليـل
واصطفت للعزوة الي شالت الـي مـا يشـال
هذي علـوم الدواسـر جاكـم العلـم القليـل
ولو بفصلها ثلاث اعوام مـا اوفيـت المقـال
منهم الصاحب يسـر ومنهـم العـادي عليـل
وصفحة التاريخ مـا خلـوا لكاتبهـا مجـال
والسلوم سلومهـم كنهـا قـراح ٍ سلسبيـل
جارهم توسم عصاه ويرفـع حجاجـه عـدال
يطرق بلاد الدواسـر مـا يهـاب الا الجليـل
لا يضـام ولا يضيـم ولا يعيـل ولا يـعـال
ترثة كليب ٍ أعـز العـرب والـراس الثقيـل
وترثة مهلهل حصان الحـرب وقـاد القتـال
وعمرو بن كلثوم فارسها وشاعرها الاصيـل
مرخي روس الملوك وطايـل ٍ مـا لا يطـال
وترثة البدران عامر حامـي الغـرس الظليـل
وترثة العرعير مروي الرمح وطوال السـلال
والحبيبي ماجد الي كـل مجـد ٍ لـه عميـل
وغيرهم صبيان عـز ٍ مالعمـام ومالخـوال
((محمد بن الشرع بن مبارك العمور))
ويقول الدوسري الزايدي حديثا ملجما اصحاب الفتنة
العبي يا اغلى الطواريق العبي
ترى المعقب شيخ ماهو عايـدي
وأرحبي لاقلـت هيّـا أرحبـي
منّـا نـدور فزعـة الجرايـدي
ياللي مناشبني ولادري وش تبي
سؤال خبث ومايجيبـه زايـدي
ياللي متعرض مبعدين المنشبـي
هم درعي الظافي وهم سنايـدي
هاك الأجابه وستلمهـا ياصبـي
بأبيات شعرٍ من هل القصايـدي
ترا (الدواسر) حلف قوم مجربي
ياللي تـدور كثـرة النشايـدي
سلمنا واحـد ونفـس المنسبـي
وتتفـق الأعـراف والعوايـدي
(تغلبي لامـن زهمنـي تغلبـي
وزايدي لامن زهمني زايـدي)
لاثار فالكون الدخان الأشهبـي
اللـي يعادينـا نعـده بـايـدي
وسم العصا من سلمنا والمذهبي
مثل اللذي على الشريعه ذايـدي
وجارنا نروي ضماه ويشربـي
ولا نـدور عقبـه الفـوايـدي
وشيخنا نسل القـروم معربـي
وصغيرنا يطبق مقولـة قايـدي
ستر العذارى لارمن سود اللعبي
ولا يعـرف الـذل فالطرايـدي
في عصر مابه غير سيفٍ أحدبي
حنا هل اللبل وهـل الفرايـدي
هذا وأنا من لابةٍ هـي مكسبـي
ولا تعرف الحقـد والمكايـدي
لا عاد تقربنا وتنشب يـا غبـي
ترا الدواسر سيل جرفه كايـدي
ادخل على الله عقبها وجه النبي
اهل الوجيه البيض والزهايـدي
((ماجد المهنا الشكره الدوسري))