04-02-2013, 08:08 PM
|
#1
|
إحصائية
العضو |
|
|
يا ناشد عني ومنهم خوالي للشاعر حمد بن راشد الهواشله
قصيده قالها الشاعر و مناسبتها موجوده فيها
و قد ذكر الشاعر خاله محمد و ذكر ابن صغير
و خاله محمد هو محمد بن نمر المخاريم رحمه الله
و ابن صغيّر هو محمد بن صغيّر الهواشله رحمه الله
و كلاهما من رموز قبيلة الدواسر
يا ناشدٍ عني ومنهم خوالي=خوالي اللي ينطحون الطوابير
و ياناشدٍ عني ومنهم خوالي=خوالي اللي خلو الهضب تعمير
حمو حدوده يوم طمع الموالي=بالسيف و الشلفا و ربعٍ مناعير
لاد المنيعي محتمين التوالي=هم درعنا لاجا نهار المغاوير
و ياناشدٍ عني ومنهم خوالي=انشد شمال المملكه يا معيثير
خالي محمد يوم جاله مجالي=رسى كما ترسي السراوات والنير
يوم اقطعت بندقه ما قال خالي=رمى بنفسه قال مافيه تبرير
وابن صغيّر حاضرٍ للمقالي=و لاهوب جحّادٍ لفعل المناعير
قرمٍ كسب من المرجله ما ينالي=و فعله شهر بالطيب ضمن المشاهير
من ربعي اللي في نهار القتالي=يردون حوض الموت ورد ومصادير
الاد هشالٍ نرود المعالي=و يفرح بنا اللي ذاق من الوقت تقصير
وقول الصحيح يعد يابن الحلالي=خذ موجزٍ مني اجبته بتعبير
و ابي خوالك يوم جبت المجالي=ابي تعد فعولهم كان به خير
و على السؤال يجيك رد السؤالي=و اللافيات امر و ادها تعابير
الشاعر/ حمد بن راشد ال حزام الهواشله
|
|
|