كــتبت الشـعـر
--------------
كـتبت الشعر لاجـل انـي أوسّـع خاطـرً مظـهـود = كـتبتـه والشـعر بـلسـم ضـماد لجٰـرحي الـدامي
اعـالج بـه وجُـع قُلـبً عـذابـه كـل يـوم يـزود = وابــروي بــه ظـمـا كـبـدً حرقها زايــد احيـامي
وابجبـر به كسـر نفسً غـدرها حظهـا الـمقرود = بـوقـت ًماالـقـيت اللي يـجبّـر مـكسـٰر اعـظـامي
واتـرجم بــه ألـم قلـبً تعٰــدا حــدّه المعٰهـدود = قهر واغبون تطعن به ماهو من شين الاسقامي
نديـمي بالظروف اللي تساوت بيضهـا والسـود = مـعه يسريبي الهـاجس واســامر نجمة الهامي
صديقي فالزمان اللي صديق الصدق به مفقود = يشــاركني سـهر ليلي مـع الهـوجاس واحـلامي
اداعـب مـع تـرانيـمه ذعـاذيـع الامـل والنود = مـدام انـي عـلى قـيـد الحيـاة أجـاوب اهيـامي
تــرا الايـام وامٰـلاح الليـالي لاانقضت مـاتعـود = حـقيـقـه ما مـشـى خـلفي مُـحـال يصير قـدامي
هجـدنـٰا واقــعً مـؤلـم أصٰاويبـه تـقــد اكـبـود = يجـن اللـي يـعيشــونــه ســلاطيــنً وحـكّـامي
عـذاباتــه تـخـليـنـي اهـني مـن سـكـن بلحـود = ابالغ واحسـد المـوتى ومـا راح مـن الاقـوامي
يشيّب بـالرضيع اللي اقـل مـن الشـهر مـولود = ويحير آبه الحكيم اللي يـصلّح بيــن الأخصامي
تركنا الصدق واهل الصدق والشيمات واهـل الجود = وفقدنا حـزة الحاجـه طـناخـة كـل مـقدامـي
تردت بـه هـقاوينا عـقـب مـا سٰـيـرهـا بسـنود = غـديـنا مٰـن بعـد وحـده جـمـاعــاتً واقسامي
تخلينا عـن الـقـمه عـقـب ما فـات مـن جـهـود = عـقـب مجــدً بـنـوه اجـداد للأحفـاد مــا دامي
وعجزنـا نحفظ الباقي عجزنا نلحق المطــرود = ورضينا بالخضوع اللي يـديـنه ديـن الاسٰلامي
حسايف من بعد قـوه غدينا أضعـف من الـدود = ضحيـه للضعوف اللي تسـلّ السـيف واحسامي
زمان اقـرب الى يوم القـيامه والحدث مشهـود = ألاعيبـه وصـدفـاتــه تـفـتـت منهــا الاصـنـامي
يعيش ابه البليـد اللي لا هو غايـب ولا موجود = ولبيب الناس اذامامات سـرا مجـنـون وايلامي
رضينا الُذل من عـقـب المعـزه والحكي مسنود = ضحيـه للمجوس اللـي غـزونا وحظنـا نامـي
فـقـدنا الظٰـل والمٰـذرا فقـدنا الشٰامخً من لطٰٰـود = فقــدنا سـيُوَف عـزتـنٰـا مثـل فيصل وصدامي
معـه قـفـت كرمتنا كـأمــه نقصهـا فـي. زود = وفـقـدنا العاصمه صنعـا عــقب بغـداد والشــامي
محـمد بن سـوعان الربيّع