( شــوق العجــوز لولدهـــا )
اشـتـاق لــه شــوق العـجـوز لولـدهـا = ام الوحيـد اللـي لـه سنـيـن مــا عــاد
وحيـدهـا الـلـي كــان ذخــر وسنـدهـا = اقــفــا وخــلاهــا ضـحــيــه لـلانــكــاد
كــل لـيـلـةً وســـط الـمـنـام يهـجـدهـا = زولـه ولكـن ظـمـن الأحــلام وشـعـاد
الفـكـر يـسـري والجـسـد فــي بلـدهـا = هوجاسهـا يـسـري مــن ابــلاد لـبـلاد
يـطـري عليـهـا كــل سـاعــه ولـدهــا = ولـيـا نسـتـه العـيـن ذكـرهـا الافـــواد
ويرجـع لهـا دمـع الأسـى مـع رمدهـا = وعيـنً مـن اول مــا تهـنـت بـالارقـاد
الــيـــأس ازرى لايـغــيــب سـعــدهــا = حـيـث الامــل مــازال حـــيً ولا فـــاد
ا لــيــأس بــابـــه قـفـلـتـهـا ابـيــدهــا = رغم الجروح اللي تعييي على اظمـاد
تـذكــر مـــع الأيـــام انــــه و عــدهــاو = والـحـظ عيـّالـه مـــع الـوقــت يـنـقـاد
مــا هــو جـفـا ذي نـيـةً مــا قـصـدهــا = اايضـا ولا هـو لاقـرب الـنـاس جـحّــاد
لـكـنـهـا الـدنـيــا تــخـــون ابـعـهـدهــا = غـربـال لـلأجـداد مــن قـبـل الاحـفــاد
وجــدي وجــود الـلـي تركـهـا ولـدهـا = مأساتـنـا وحــده وانــا يـجـوز تــزداد
خـلــي شـرايـيـن الضـمـايـر عـقـدهــا = وابـعـد عـلـّي الـحـل مــن حــد بـغـداد
واصبـحـت كـالـلـي حاجـتـلـه فـقـدهـا = وبين الرجا واليأس عايش والاضداد
الـسـالـفـه رادار فــكـــري رصــدهـــا = وتـحـولـت للقلـب مـن بــرج الارصــاد
قصه ؟ اتحير عشت انـا فـي صددهـا = وأخــاف تالـيـهـا ســـوالـيـف واوعـــاد
اوعـاد مــادري ويــش يـأتـي بعـدهـا = هـــن يـلـقـحـن ولا يـحـيـلـن بـعــنــاد
حاولـت امــوت فكـرتـي فــي مهـدهـا = واشــيلهـا مــن راس فـيـه الـولـع زاد
واللـي جــذب قلـبـي وعيـنـي قـردهـا = والـظـاهــر انــــه نـاويــلّـي بـالابــعــاد
روح المـسـره مــن حيـاتـي طـردهــا = وانــا عـلـى النكـبـات مـانـي ابمعـتـاد
نفـسـي مطـيـة حـظــي الـلــي لـكـدهـا = وتعثـرتـبـه حــيـث بيـديـنـهـا اقــيــاد
شفـت الغيـوم وقمـت اخـايـل رعـدهـا = ورجيـت سـيـلً ظـافـيً عـقـب رعـّـاد
اخشـى سحايـب صيـف يـنـدر مـددهـا = مـاســرّت الـضـامــي ولا جــــاه ورّاد
ســراب قـيـضً خـاسـرً مــن وردهـــا = تـزمـي ابـحـوره مــن بعـيـدً ولا فـــاد
وجـدي عـلـى الـلـي كلمـتـه يعتمـدهـا = وليـا هـرج بالحـق مــا هــوب نـشـاد
شخصـيـتتةً كـلً يـشـيــد وحـمـدهــا = والنعـم جـالـه مــن مناعـيـر الاجــواد
نسـل الحـرار الـلـي ينـومـس هـددهـا = مـن عـادتـه يفـرس وايـلا هـد صـيـاد
للـسـر صـنــدوقً بـصــدره وصـدهــا = ما هو من اللي ســرّها .لام ....الاولاد
فــي لحـظـةً كــل السـوالـف سـردهــا = مثـل الجهـاز اللـي علـى البـث معتـاد
ونفـسـي بـلاهـا الـيـوم مـــن ينتـقـدهـا = واشــوف انـــا عـذالـهـا تـقــل جـــلاد
ويــا لايـمـي جـعــلك تـعـانـي نـكـدهـا = ومــا صـــابنـي جعلـه يصيبـك بالافـواد
مـحمـد بــن ســوعـان الـربيـع