[معلومات العضو الإداره]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر أختتم مساء أمس الاربعاء الموافق 16-3-1433هـ المسابقة الشعرية الثانية لمسابقة الموقع الرسمي للقبيلة بمناسبة تعين صاحب السمو الملكي الأمير نايف بن عبدالعزيز بمناسبة تعيينه ولياً للعهد بحضور كبير من مشائخ وأعيان ووجهاء وأبناء قبيلة الدواسر إكتضت بهم القاعة ، وأسدل ستار الختام على المسابقة بإعلان النتائج النهائيّة للمسابقة الشعرية . __________________________________________________ ________ أسماء الفائزين بالمراكز الخمس الأولى : الفائز بالمركز الأول : الشاعر محمد بن سالم بن فهيد الخضراني. قصيدة الشاعر محمد بن سالم بن فهيد الخضراني المشارك بها بالمسابقة تفاخر شموخ المجد في قائد الابطال=وفاحت فياض الدار من جوده ووبله تباشر به العربان وتجدد الامال= ويدعو له اللي في فضاء نجد عند ابله سماء ذكر نايف في سما المجد بالافعال= بمجد(ن) تواريخ البطولات تنسب له حكيم السياسه لاهوى الخاين الختال=حدود الجزيره والحرمين والقبله تزرفل له ابكار القريحه ولاء وجلال=وتسمو به ابيوت القصيده وتندب له جنابه على حال المواطن دفاء وظلال =ويمناه تبسط للمساكين من نبله حضن ديننا من شعوذة عولمة لذلال=وقاد المسيره مع خطاء قايد قبله قبض من حديد الفتنه اللي لها موال=بعزم يعوق الخصم لين انقطع حبله عصابات غرب وفرس والحال مامن حال =هذاك يحبي للخبل والخبل ينصب له يريدون فتنتنا ولاكن على ماقال = تفرقهم الكلمه وتجمهم الطبله وقف شامخ الهامه لهم وقفة الخيال =الين استوت روس الشراذم مع العبله بعيد النظر حلو النباء قدوة الاجيال=سلوك المصايب في يده ماتشعب له ترعرع على يمناء الفحل مرهب العيال=ولامات من خلّف بيوم الوغى شبله رجاحات عقله غير ورسوم وجهه فال =ومدات جوده تنبت الشيح والربله ترومه صعيبات المواقف بدون جدال=وتثنّي عليه المغريات وتقرب له وجات الولايه بالعهد تطوي الاميال=زهته المناصب والرياده تناسب له عليه الهقاوي مرقبه والدروب طوال=والامال بالله ثم به ماتصعب له ولي العهد موف العهد والجبال جبال=عسى شايبن رباه علين تكتب له __________________________________________________ _____ الفائز بالمركز الثاني : الشاعر محمد بن حسن بن قرنين المسعري. قصيدة الشاعر الشاعر محمد بن حسن بن قرنين المسعري المشارك بها بالمسابقة : بسـم الله ابدا بالمشــاعر والأوزان = قاف يقدم قبل شعـري سـلامه يا هاجسـي لك نايف المجد عـنوان = تفخر احروفك في سموا الزعـامه ولي عهد الممـلكه عـز الاوطـان = من هيـبته يكفي لفعله كـلامه سيف الفخرحده علا كل شيـطان = يمشي على نهج السـلف باستقامه له وقفة عند الغضب شـانها شـان = يبرك عدوه ما تشـيله اعضـامه يحكم بشـرع الله على كل خـوان = عن العقـيده ما تغـير نظـامه ويعطي بيـمنى فيضـها وبل هـتان = سحاب وسمي تساوق اغـيامه غيث الفقارا والأرامل بالاحســان= يرسم على وجه اليتيم ابتسـامه عضد الملك مسـند طويلين الايمـان =هداج تيما اللي تناسف اجمـامه من ورده صـدر من الجم رويـان = جوده على ناصيه يجذب احـيامه رمز التواضع والفضـيله والإيمـان = وسياسة فيها شمـوخ وشـهامه يرعى حقوق الدين وحقوق الإنسان = والأمن في الدوله يجـود زمـامه لشتدت الاحداث للعـدل مـيزان = يرجح بفرض الحق حزم وصرامه من حكمته شعب الوطن عنده اخوان = يسهر وكلاً يهتـني في منـامه وحنا على عهـد الولاء سر وإعلان =ما دام عز الدين غـاية مـرامه واللي يخالف منهج الدين خسـران =دنيا ودين ومنهـجه في ظـلامه وختامها طالبك يا خـير رحمـان =تحفـظ وطنا لا نهار القـيامه __________________________________________________ الفائز بالمركز الثالث : الشاعر سعد بن محمد بن محسن المصارير. قصيدة الشاعر سعد بن محمد بن محسن المصاريرالمشارك بها بالمسابقة : يدف الليل مضمار القصيد ويبدع الموهوب=وينقا من مواضيع القصايد موضع اعجابه يهقويها على المطلوب وانجتله على المطلوب=يصوغ امن اللحن قوسه وبيت الشعر ربابه على نايف ولد عبد العزيز يغطرف المكتوب=اتشجعه الفرايد ويتشجع لاتغنابه هلا ياطاري الفكر النبيل ونصرت المكروب= هلا ياصبحن اعلن في نفوس الخلق ترحابه هلا ياقرت الحلم البعيد وصافي المشروب=هلا ياصرحن اتزود الخلايق من عطا بابه تحدانا عواصيف الليالي بين نوب ونوب=وحنا نفخر بهيبة سموه ونتحدابه ولايت عهده اتراكم على بغي البغاة احروب=بحكمن منهجه واضح ودين الله محرابه محطم هقوة الفكر الوضيع بعزمه المحسوب=على التوحيد يلجمها بشرع الله وكتابه عدات الدين تستنزف على هدم الكيان اجيوب=يغويها اللعين وتعتزي فيه وتحفابه تلغم زمرت اضعاف النفوس بفكرها المضروب=وتجمع من بلاها كل متناقض ومتشابه بلاها مادرت نايف لها من كل فج وصوب=وليامنه ضربها في نحرها بان مضرابه شديد الباس من عزمه صليب المعضلات اتذوب=عدو الياس مابه سيف مجدن ماتثنابه حكم بالعدل بين الناس لاغالب ولا مغلوب=وليا كشر بنابه منكر النعمه كسر نابه واذا سير الحضاره فكثر البلدان دوبه دوب=بلدنا تقفز اسياج الحضاره ناتج اتعابه امير اقلوب عز اشعوب ذرب اسلوب سمح ادروب=حميدات الخصايل كلها في دمه منسابه اشهوده ناتج اجهوده وشخصه بالوفا مصحوب=صديق المله ايوده وراع الميله ايهابه وعسا ربي يطول عمر من لفت عليه اقلوب =ملكنا خادم البيت الحرام وحامي اترابه __________________________________________________ _____ الفائز بالمركز الرابع : الشاعر فارس بن سالم بن فارس الدبالين. قصيدة الشاعر فارس بن سالم بن فارس الدبالين المشارك بها بالمسابقة : ياعيطموس الفكر يالحسن الفريد=دنّي علي قدن زها حلايله هاجوس فكري يعشق الخصر الزهيد=اليا توارى في سمر جدايله مفتون في جيدن تعدا كل جيد=عذرا القصيد اللي تهوم الطايله ملبوسها الابداع والفكر الجديد=ومطلوبها نيل العلا وتخايله فيها اتسامى واعسف الطرق العنيد=لعيون من كفه نشر فضايله نايف ولي العهد والمجنا مجيد=مجدن لابو تركي فخر سلايله صلب الامام اللي على ظهور الطريد=وحّد وطنا من جهل قبايله نايف وله فعلن وتاريخن مديد=سطر على شم الفخر فعايله بحرن ليامنهْ اصطفق موجه يزيد=وضلعن تذري للعرب مثايله عاش الوطن من حنكته عيشن رغيد=امنن وامان ولاانحصت نفايله بصقوره اللي مايهابون الضديد=لين اجلو اللي فالوطن خمايله زمرة وبا بافكار شيطانن مريد=اللي يربون اللحى المتحايله نايف على اسمه نايفن شبحه بعيد=أمن الوطن من فوق كتفه شايله يرعا شؤون الامن وعيال الشهيد=ابون لهم وتضفهم جمايله سيرة بطل فالمعضله رايه سديد=تبقى على مر الزمن دلايله واليوم ساد المملكه يومن سعيد=وانشت علينا بالفرح مخايله يوم ان سموه عانق المجد التليد=وادوت على كل الوطن صهايله عضيد ابومتعب بقلبن من حديد=لاكبرت القاله كعام العايله محزم وفا وقت اللوازم مايحيد=يسمو وتسمو بالفخر خصايله الله يعز آل السعود اللي تشيد=صرح العدل لين اثبتت وسايله وحنا جنودن خصمنا يصبح هميد= لامن دعـا الداعي حرارن صايله وانا مواطن يهتوي جزل القصيد=سطر على وضح النقى مثايله حب الوطن يجري معا مجرا الوريد=في كل وقتن نثني اللباي له __________________________________________________ ________ الفائز بالمركز الخامس : الشاعر سعد بن فهيد آل بريك . قصيدة الشاعر الشاعر سعد بن فهيد آل بريك المشارك بها بالمسابقة : باسمي واسم ربعي الدواسرفي الجنوب وفي الشمال=الي على العايل اليامن عال توقدها جحيم انبايعك يا نايف ولك الولا والامتثال=لو ان ولانا ثابت ومعروف من عصر قديم نستاهلك ولي عهد وانت الاحق بلا جدال=ويستاهلك منصب ولي العهد يالحر العديم نفخر بكونك نايف ونفخر بكون انا الخوال=ويفخربك الشعب السعودي فخر وبحبك يهيم الي يسوق الروح من دون الوطن في كل حال=يفقد اليا نادا منادي الحرب في ليل بهيم شعب يحب بلاده وعشقه لها عدا الخيال=لايمكن انا انوصفه بالقول والله العظيم يا نايف اسمع وعتبر كل الكلام الي يقال=حقيقه اواقع اكيد وحس نابع من صميم لنك خلف لافضل سلف ياحي والله هالقبال=عوضتنا فقد العزيز الغالي الشهم الكريم ولنك عضيد اطيب ملك والشاهد الله ذوالجلال =ملك ولكنه مع شعبه من الطيبه لزيم ولنك نصير الدين وهل الدين زاكين الخصال=الي تطبق في الحياة الشرع والنهج القويم ولنك وزير الأمن وموطي ارقاب اهل الضلال=علمتهم وشلون ياقف صاحب الراي الحكيم ولنك ذرا الخايف وابو المظهود ياذرب الفعال=من قمتله قومة طنخ اعتاذه ابليس الرجيم تراك بالنسبه لنا مكسب وفوز وطيب فال=وتراك وهبه ساقها رب الاوادم سوق __________________________________________________ ____ قبيل الختام ، فإننا نعدكم بإذن الله تعالى بطرح تغطية مصوّرة لجميع أحداث الحفل منذ إنطلاقته وحتى إختتامه وأيضاً بطرح تغطية تقريريّة عن الحفل خلال الأيام القادمة . في الختام ، فإن إدارة الموقع الرسمي لتقدم خالص التهنئة لـ الخمسة متسابقين الأوائل الذين تمّ إختيارهم من عدد كبير من المتسابقين الذي شاركوا بهذه المسابقة الشعرية الأولى للموقع الرسمي للقبيلة . شاكرين بذات الوقت لجميع من شارك ولم يكن من ضمن الخمسة الأوائل الفائزين ومقدرين جهودهم الحثيثة التي قاموا بها من أجل المشاركة . (صوت قبيلة الدواسر) منتدى قبيلة الدواسر الرسميwww.alduwaser.org/vb