من باب تحسين الخلق والتعامل..!!=شي ٍ نعرفه بالشريعه ذكرته
الكامل الله وانت ناقص ياكامل=لا اطيح باللي في يدينك حفرته
صحيح تربطني معاك ..العوامل=لكن حسافه منت باللي ذخرته..!
من عادتي ياصاحبي ما اجامل=ماهمني من بالصراحه خسرته
اخذت من عمر الزمن درس شامل=امشي ورا حلمي سنين وصبرته..!!
سايست وقتي لو بدى الجسم خامل=اجبر شعور الخاطر ..وماكسرته
عرفت منهو بالمواقيف صامل=يوم الزمن بيّن صديقي شكرته..!