لاحسيت من بعض العرب مايضيقني = مشيت ونحيت بعيد وكملت مشواري
احب الصديق اللي مع الوقت صادقني = الا ابطيت دورني ويسال عن اخباري
ماهو واحدً وقت العوافي يوهقني = الا احتجت له دور ورا الكذب معذاري
خله يروح وخوته ماتشوقني = ولا ابوح لمثله ماخفا واحفظ اسراري
لو ان الظروف تحد والوقت سايقني = احفظ الكرامه واكتم السر في داري
لو ان الزمان وجاير الوقت مرهقني = اوسع هموم القلب في نظم الاشعاري
لو اني ببر وصالي الشمس يحرقني = يدير الفلك ربي ويرضيني الجاري
لو ان الهموم وعبرة الصدر تخنقني = اعظ البهوم وكن بالصدر مسماري
كن المشاكل في حياتي تعانقني = وقلبي على همه وانا للعنا ضاري
لاقلتنا في غيبة الهم روقني = ابنسا بعض مافات وادله عن الطاري
الا هب نسناسً على القلب يطرقني = اعانق نجوم الليل واسري مع الساري
.
.
اخوكم \ سعد بن سالم بن سويحل الخضران الدوسري ,,