السلام عليكم ورحمة الله وبركاته
هذه احدى روائع الشاعر الكبير / راشد محماس الزعبي
والذي تحاكي مشكله من اكبر مشاكل دولة الكويت لها اكثر من 30 عام ولم تحل
وعسى الله يعين هذه الفئه
ألا ياقلب لاتشكي مقادير الزمان الشين = مدام أن الزمان يبور حتى في مقاديره
عليك الله وكبر يازمن وشعاد حن راجين = ماعاد إلا محيط الهم تلعب بي معاصيره
على جرد السنين العجف قل لي يازمن من وين = بيدي قصتي وابحر بها ديره ورى ديره
أنا اللي ضاع عمره في رجا حضٍ عساه يزين = تشتت وانكسر ما عاد باقي غير تجبيره
ليا منه ضحك ساعه بلق منه الحزن عامين = ولا له حيلةٍ يحتال في الوقت وتدابيره
يحز بخاطره كل شي في عمره خذاه بدين = مع انه دين والديان يزعجك بمزاميره
خذا القسوه من كفوف الزمان و لابقا به لين = ولاحتى مجرد حلم يتأمل بتفسيره
يناجي وحدته وتسيل دمعاته على الخدين = يكفكفها بمنديل الصبر والحزن والحيره
ترى صعبه على الرجال لا منه فقد ثنتين = هويته .. والكرامه تفجع الرجال وتثيره
رسالة جتني وترجمتها من يسار لين يمين = رسالة مجتمع يطمح مع الأيام تطويره
أنا ماقلت نبغى المستحيل او سور مثل الصين = نبي نعيش الحياه ولا نبي لفه وتدويره