السلام عليكم ورحمة الله وبركاتة
مفرح بن مسهيه من فخذ السليمان من العجمان مشهور بالشجاعه والكرم
كان مع اصهاره من خوال ابنائه في ديرة قحطان في الرين وكان له ولد اسمه
محمد وكان محمد شجاعا وذباحا للصيد وبارا بوالديه وليس له سواه الا بنتان
فذهب ذات يوم للقنص فصدف رجالا لايعرفهم فانقضوا عليه وقتلوه
وبعد ذلك وصل الخبر الى ابيه وخاف والده ان تنصدم امه فقال لها
عندنا ضيوف ونريد ان نكرمهم ولكنهم أبو ان لاتطبخ كرامتهم الا في
اواني لم تفجع اهلها مصيبه فاخذت المراه تبحث عن اللي حولها من
العرب فلم تجد احد سالما من الدنيا وقالت لزوجها كذلك فقال لها
مدام الامر كذلك فا علمي ان ولدك قتل واصبري عليه كما صبر غيرك
من الناس فقالت الامر لله وحده فهو المعطي وقادر على كل شي
ثم قال ابن مسهيه هذه القصيده:
ياجبال الرين ما شفتي محمد = عليك منه ياجبال ملام
يبكيه عود ثالث رجليه ال عصا = يكه عقب القعاد مقام
وتبكيه عذرا فاتها غي الصبا = مثل مافات العصير لقاف نعام
ومن قبلش الهلال ياعين فاصبري = بيوتهم عقب الطمام هدام
ومن قبلش الحميد ياعين فاصبري = الزاد فقه والبوت خيام
ومن قبلش الحبيش ياعين فاصبري =اهل مزاريج وريش نعام
من قبلش الحبيش ياعين فاصبري = يبكون جريس وحامي الجاذيات حزام
ومن قبلش المعيض ياعين فاصبري =اهل بيوت وتوها جهام
وكل القبايل قد عثت في نزولها = وجموعهم عقب الصفاف اثلام
ياالله يالمطلوب تجبر مصيبتي = ياجابر المكسور ياعلام
وانا وغيري كل ابونا بقدرتك =وياخالق الانوار والظلام
تلطف بعود يوم اخذت جنينه =سهير عين مايذوق المنام
عود وغريب الدار من جماعته = واليوم عنده كنه مية عام
وتجبر عزى من عافت النوم عينه = والكبد صامت ماتبي طعام
ودنيا دهتني وافجعتني بغره = وعود غريب وحاير الاقدام
دنياي فاحيتني كفى الله شرها = والزرع لابده من الصرام
وبقعا خذت من ا لاولين وعادها = وفي خشمها للمقبلين عرام
واتمنى ان تكون القصة والقصيدة حازت على اعجابكم