السلام عليكم بعد الغياب القسري مساكم ورد ..
هذه ابيات قيلت في مناسبه فرح عند الربع
فعذروني على مدح ربعي..
رغم اني اتحفظ على مدح الشاعر ربعه ونفسه باستمرار
ولكن لكل مقام مقال وسلامتكم..
|
مرحبا ترحيب وافي يعم الحاضرين=بالرجال الوافيه مرحبا واهلابها
عد ماكبر وهلل جموع المسلمين=في محل العزوه اللي تعز انسابها
بالنيابه قلتها في حضور الطيبين=ياهلا يامسهلا وارحبو نبدابها
ابرك الساعات شوفة وجيه الغانمين=ياوداعين الفخر والفخر يزهابها
ياهل الطالات ربعي من عصور الضمين=يوم غنا هذية الشعرقبلي جابها
ماغلبكم بالفعايل حد مالعالمين=والثمان المعجزه كلنا نقرابها
السوالف كلها للوداعين اجمعين=ولاسواكم ياوداعين قد غنابها
الشجاعه والكرم والوفا والعهد دين=والعفو والحلم والجار ورث اصلابها
قالها اللي لابته فعلها دايم سمين=ولاعليكم زود والنار من شبابها
ال بطحيّه على العز بالموقف تبين=يوم دورت اليالي تحد انيابها
تكرم العاني ومن حدته شهب السنين=وتأمن الخايف ليامن وزى بطنابها
والمراجل وهبة يالكرام السامعين=والحظيظ اللي لياعرضة يحضابها