الـــهـــواء الــطــلــق=
بـادوج واشـد دام الله معافيـنـي=لابـد مـن قامـة مابعدهـا شــده
واشب ناري بجـو معجب(ن)عينـي=واصك نجري وحولي باقـي العـده
واللي على خاطري باجيـه ويجينـي=ومن صدعنـي جـزاه البعدوالصـده
مانيـب مجبورفـي تبـع المقفينـي=ولامع اللي يدورالحـول فـي خـده
وممشاي في صحصح خالي يسلينـي=من كل هـم يحـس البـال ويضـده
كثرت همـوم العبادوركبهـا الدينـي=وكل(ن)من اللي حصله واصل حـده
ناس بالاسهم يسوقـون الملايينـي=اشقاهم المال في جمعه وفـي عـده
وناس على الفقرالاشهب عدة اسنيني=الفقريضفي عليهـم جـزره ومـده
وناس فتنها الولي في حرب الادنيني=ثارت بوسـط الجفيرولحقـة البـده
وهاذي سببها الذنوب وقلـة الدينـي=هجم عليهـم ابليـس ولاحـدن رده
لعبهـم لعـب شـارون بفلسطينـي=اللي عليـه يسـل السيـف ويحـده
والـى تذكرتنـا الـدره وياسيـنـي=والمسجداللي يديـن الغاصب تهـده
عرفت الايام حبلى والوضـع شينـي=والاعـلام الاقشريـدق الزورويقـده
قلت الهواء الطلق دام الله معافينـي=لابـد مـن قامـة مابعدهـا شــده
الصلف=