اقتباس:
المشاركة الأصلية كتبت بواسطة سلطان بن دخيل الله
مناسبة القصيده انه كان رحمه الله حصل بينه وبين شخص نقاش قال انتوا يادواسر جيتوا واخذتوا سنام نجد قال احنا يوم اليمن مزدهر واحنا فيه ويوم انتهى الازدهار فيها تركناها جينا واخذنا سنام نجد.
انشد عن العراف حيث انـك غلطـان=تنبيـك عـن مايجهلـنـك خـبـاره
حنا سكنا السد في مـاض الازمـان=يوم اليمـن كـلا حكـى بازدهـاره
من سد مارب جيت مافيـه جحـدان=جينـا ومـن نجـدا خذينـا خيـاره
خذناه في قوما لهـا النصـر عنـوان=وكسب الفخر لبسـه وزايـد شعـاره
خذناه في شلفـا عطيبـات الاكـوان=وثميديـا كـن النـجـوم انفـجـاره
خذنـاه فـي جيشاوخيـلا وفرسـان=باليـوم والليلـه يشـنـون غــاره
غاراتهم يشبع بهـا الذيـب سرحـان=من ظرب من بالهوش ترخص عماره
وتشري الفخر والمجد في غال الاثمان=بارواحهم لـو هـي عليهـم خسـاره
واليوم حـد الخـرج لادون نجـران=دار لنـا وديـار بـدوا وحـظـاره
دار لنـا نعتزبـه بـيـن الاوطــان=يومـا كـلا يفتخـر فــي ديــاره
دار لنا مـن وقـت عـادا وعدنـان = والجـار يهمـل بـه ويوخـذ بثـاره << عدنان
مزارعـا وبيـوت بـدوا وقطـعـان=وهدب الجريد اللـي تعـدل انهـاره
وقطعانا ترعى الحيـا حيـث ماكـان=وماطـاب مـن نبتـا رعينـا قفـاره
نرعابها جوسـا علـى كـل عـدوان=لاطـار مـن صـم الحوافرغـبـاره
يبرالها قوما علـى الخيـل شجعـان=عـادة كبـارا وارثيـنـه صـغـاره
قوما تنال المجـد فـي كـل ميـدان=وموعـودة مـن ربهـا بانتـصـاره
دواسرا في يـوم زوغـات الاذهـان=كالعارض اللـي راسخـات جـداره
ونجما مراجيما لمـن كـان شيطـان=ويرجم بهـم مـن راد ربـي دمـاره
ومن قدم الحسنى نجازيـه باحسـان=وشرا على الا شرار يقـدح شـراره
وصـلاة ربـي عـد ماكاينـا كـان=واعـداد مـا ليلـه يسوقـه نهـاره
على النبي من خلقـة ادم الـى الان=اللى لديـن الحـق جـاب البشـاره
راع الشفاعـه عنـد ربـه للانسـان=يـومـا لاتنـفـع يميـنـا يـسـاره
شاعـر الشكـره : دخيل الله بن محمدالشكره رحمه الله
وادي بــــــــرك |
(( اسمحلي قمت بتعديل البيت في الاعلى الى عدنان بسبب خطا مطبعي ))
---------------------------------------------
من سد مارب جيت مافيـه جحـدان=جينـا ومـن نجـدا خذينـا خيـاره
خذناه في قوما لهـا النصـر عنـوان=وكسب الفخر لبسـه وزايـد شعـاره
خذناه في شلفـا عطيبـات الاكـوان=وثميديـا كـن النـجـوم انفـجـاره
خذنـاه فـي جيشاوخيـلا وفرسـان=باليـوم والليلـه يشـنـون غــاره
غاراتهم يشبع بهـا الذيـب سرحـان=من ظرب من بالهوش ترخص عماره
وتشري الفخر والمجد في غال الاثمان=بارواحهم لـو هـي عليهـم خسـاره
واليوم حـد الخـرج لادون نجـران=دار لنـا وديـار بـدوا وحـظـاره
http://www.alduwasser.net/vb/showthread.php?t=13047
وهذاالرابط يوضح ذلك وهو مناخات ومعارك الدواسر العظيمة في قلب التاريخ = وانتصارهم الكبير
بامتلاك الخرج "اليمامة" ( سنام نجد ) اشهر واهم موقع في نجد ,,,,,
وهذا يدعم ماسطرة والدك جعله في جنات النعيم