السلام عليكم ورحمة الله وبركاته
.
.
قصة وفاة غريسة وهي من بني عامر
من الأوائل في معاصرة القبائل الهلالية
قُتلت غريسة بطريقة وحشية محزنة
كانت متزوجة من شخص تحبه وأسمه
زيد
وفيه قول إنه عشيقها
نشبت حرب بين أهل غريسة وأهل زيد زوجها
واخذو بنتهم وقالو لها
إذا جاء لاتستقبليه وأخبيرينا لكن كانت تحب زوجها
وكان يأتي زيد ويتقابلون كل ليلة
في مكان متفقين عليه بعيد عن المنازل
يوم من الأيام قالت له أذهب بسرعة قبل الفجر
لكن قال لاتخافين فغلبه النوم وغلبها معه
وفي الصباح لم يجدوها وعلى الجرة صارو
يمشون ووجدهوم نائمين
فقامو وقتلوه وقطعوا رجلها
والزوج مقتول ورجلها مقطوعة
وصارت تجي قبر زوجها
في اليوم التالي قام أخوها وقطع رجلها الأخرة
فقالت غريسة وحسبنا الله
.
قالت غريسه زينـة القـول والنبـا = فجانـي زمانـي والمقـدر دهانيـه
تهاويت مـع زيـد وطابـت ليلنـا = ثمان سنين فـي طرابـه وأمانيـه
هواني وهاويته على الانس والهواء = وقطفنا ثمر ما لاق والنفس فانيـه
سقاني شراب من ثمانيه وأنا بعـد = سقيته شراب صافي مـن ثمانيـه
غشاه الكرى لما مضى الليل وانتهى = وبتنـا منيسيـن والاجـال دانيـه
ياليت زيد طاعني يـوم اقـول لـه = اسر وكـل النـاس بالنـوم هانيـه
ولاطاعني والامر مـا فيـه حيلـه = غشا زيد حلو النوم وانـا غشانيـه
ولا انتبهـت إلا أن زيـد ضحيـه = نعيتـه ولـو هـو عنـدي نعانيـه
لما اقطعو رجلي تراكيـت بالعصـا = على جال قبره قلت ما جـاه جانيـه
بعد قطعة الاخـرى تدربـت جثتـي = على قبر زيد وقلـت هـذا مكانيـه
لامت ما سايلت عن وابـل الحيـا = ولا من حفر قبري ولا من نعانيـه
عفا الله عن زيد عشيري اذنوبـه = ولو هو عصاني يوم أقول اسر ثانيه
محا الله عن زيد عشيري اذنوبـه = لو كان في حوض المنيـه رمانيـه
ياحافـر للقبـر وسـع جوانـبـه = على جانب مـن زيـد لاتبعدانيـه
المقصد اني مـا أقولـه ابخاطـري = أبي إلى جا الوبـل زيـد سقانيـه
أوصيك يا نقـر الصفـا لا تغرنـي = ان جواعريـب وارديـن هدانـيـه
يامدور زيـد تـرى زيـد عندنـا = ذبيح العمر في سبـب كـل جانيـه
ترى عامر توخذ به البـل والغنـم = وزيــد لا يكفيـهـم إلا ثمانـيـه
أبوي وأخوالي وعمـي وعزوتـي = ذبح الشفايا في عشيـري هنانيـه
وفي رواية أخرى إنها قالت نفس المعنى
لكن بأسلوب يختلف
وهذه حاصل في الروايات والمتابع لـ التاريخ يدرك
هذه لكن المعنى ليس فيه إختلاف
الراوية الثانية
اوصيك ياصقـر النقـا لاتغرنـي = لاجـو عريـب وارديـن هدانيـه
ولـوا عريـب بـدد الله شملكـم = وش كاركم منـا هويتـه وهوانيـه
يامدور زيـد تـرى زيـد عندنـا = قتيل لعامر في هـوى كـل غانيـه
لاتاخذون قضاه من البـل والغنـم = خذوا قضاه من ال بيتـي ثمانيـه
ابوي واخوانـي مـع اولاد عمـي = ذبحت دانيه في عشيـري هنانيـه
الى قطعوا رجلي فبمشي على العصا = والى قطعـوا اخـرى فللوعنانيـه
والى قطعوا رأسي تدربـت جثتـي = في قبر زيـد قلـت هـذا مكانيـه
حطوه فوقي دافنينه هـو الاعلـى = الى من سقاه الوبل ريحه سقانيـه
.
والباقي لاإختلاف فيه والله اعلم
.
لاتاخذون قضاه من البل والغنم = خذوا قضاه من ال بيتي ثمانيه
أبوي وأخوالي وعمي وعزوتي = ذبح الشفايا في عشيري هنانيه
.
ومن الحب ماقتل
رحمهم الله أوفياء لبعضهم
اتمنى عجبتكم الرواية
.
تحيتي 