عزاه ياقلب غدا كنه تاير
يصبر على مافيه ويشيل ماجاه
عقب الفرح دارت عليه الدواير
واصبح رهين الهم عزاه عزاه
الحزن شيد به قصور وعماير
حتى تأثر كله ولحق بعراه
وياعين ياللي ماتظم العباير
من وقتي اللي شفتنا الضيم بتلاه
انا اشهد انها من كبار الخساير
وقت تذكرته وقفت مطاياه
عجزت في ذالوقت ياناس اساير
ناس تغير كل يوم بمنحاه
ماعاش به يكون راع الذماير
اللي على ربعه سريع بعجفاه
وفيه العرب معاد فيها ضماير
من يبذل المعروف معاد يلقاه
ان كان عندك مصلحة جو نثاير
تقضي اللزوم وماحصل منك تنساه
اسال مجرب ذاق منها المراير
من عالم ن كل يبي ماتمناه