[معلومات العضو نسـل السـلاطين]

هذة القصيدة بمناسبة اليوم الوطني لدولة قطر
18/12/2011 م في أحتفال قبيلة الدواسر
باليوم الوطني يوم التكاتف والولاء والعزة .
للشاعر /خالد بن حنيف بن سعد آل مطرف الدوسري

ياحمـد ياعــز ياتـاج الفـخر

ياوريـد المـجـد ياشريـانـها

يا أميرن زان حكمة في قطر

أضفى عليها بالكرم ثم صانها

ركز بيارقها على مـد البصر

وشيد بنان المجد في عنوانها

دوّن التاريخ فيك أحـلى خـبر

بالمعالي في سمـوك شانها

الشيوخ الي مكاسبها النصر

من على عهدن مضو جدانها

ياهل العليا على طول الدهر

ياعسى ربي يصـون أركانها

وحن جنودك ياوطنا ياقــطر

ونفـتخر بالي تعــز أوطـانها

نكسب الردات من وسط النحر

في نهــارن ثايـره دخانـها

الـدواسر تنطح الموت الحمر

والمعـارك تشـتعل نيـرانها

مانهاب الموت لادق الخطر

ننحره بالخـيل في ميدانها

مكرمين الضيف لامنه حظر

له ثـلاث أيام في خدانـها

جارها منزاله أظلوع الصدر

ودّايـة الجيران من جـدرانها

الدواسر تكسر الي ما انكسر

بالـحرايب يشـتعل بركانـها

محـتميـن حدودها بدون حظر

محتـميـن الـدار من عدوانـها

واختامها صلّو على سيد البشر

عــد من صلّى وقـال آذانـها

الشاعر/ خالد بن حنيف بن سعد آل مطرف الدوسري