يسعدني اطرح بين ايديكم قصيدة جديدة للشاعر سالم بن صمهود
كما يشرفني ويسعدني بطلب ابوفيصل مني بتنزيلها
ويستاهل ابوفيصل
ويزيدني فخر وشرف بخدمة علم من اعلام الشعر
مرت بي ضروف بها افوق واغيب
وقت عسى ربي علي ما يعوده
ازمه وعدت من فضل عالم الغيب
واخذت عبره فالحياة محموده
اثرالضروف دروس حكمة رع الغيب
والعبد لامن طاب فضل معبوده
ترا الظروف اصدق قروب التجاريب
تعرف رفيقك وش نقوصه وزوده
و كم واحد مايفرق الكبش والذيب
ويمناه من كسب الجميل معقوده
وكم واحد يهقابه الطيب ويخيب
وكم واحد يوعد ولااوفا وعوده
وكم واحد من ضمن حسبت لصاحيب
وقت اللزوم اقفا من حساب ذوده
وان جا لزومه يزعجك بالمكاتيب
كنه رع اللمنه وعنده شهوده
وجربتنا اللي رفقته كلها طيب
لاطالت ظروف الزمن بان زوده
امثال ابونواف عطب المضاريب
عد رهاوي لوتكاثر وروده
مشا على نهج مشوه المعاطيب
اللي رقو رجم صعيب صعوده
امثال ابوخالد زبون المواجيب
زبن الحصان اللي تردة جهوده
*وقبله ابووي اللي سكن قمة الطيب
نجم خذا لطيب قمة بنوده
عسى لهم في جنة الخلد ترتيب
فضل من اللي كل الافضال جوده
وصلاة ربي *عد ذار اللواهيب
على رسول مده الله بجوده