السلام عليكم ورحمة الله وبركاته
ومسيكم بالخير كلن باسمه
يقول المثل ان طاعك الزمن ، ولا طعه ، والقلب ايلا ماصلح مع سنينك خله وعش بليا قلب (:
استلموا لاهنتوا
ياقلبي اللي مزعج اشكـــاك .. عيني =ما ينصفك وقتك ولـو جيت عاني
لا تكثـر الشكـوى ... ولا تبتليني =جاني من صروف الزمـن ماكفاني
قــد وَقـف حظي بينِ حظي وبيني=وقـد صِغت من عثراه صَرف المعــاني
ياحظــي اللي قاسي(ن) مـا تليني=مـا اطـراك طيب معـاملي ياالأناني
مـن حيني ارجي فرصــة(ن) مـاتحيني=وياكثـر مـاخـاويت دق الثواني
وكـل احتياجي ... يالظروف انصفيني=مـن وقتي اللي من زمـانه دهـاني
ويالايمي ... لا تكثــر اللوم فينـي =مانيب جـاني ... لا خذوني بجـاني
خـلك هـنا فـــي لائحـة لايميني =ولك التحيـة مـع كثير امتنانـي
انا ربيت ان المـواجـيب ديني=اوفيه وابقـى كـل عمـري مـداني
اشري قلـوب(ن) مقبله تشتريني=واسلك طريق الخير لو هو عْمَاني
لا خير فـي نفس نظرهــا طميني=مـــا تطمـح لتبديل حــال بهاني
ياقلب ... طيِّب صحبتك مع سنيني=ولا تــراي مبـدلك .. قلــب ثانـي
للاستماع اضغط الرابط ادناه ، :
وسلامة الجميع