[معلومات العضو أبوفهيد الودعاني]

قال محمد بن عبدالله ابو حنايا

في الشيخ// مران بن متعب بن فيحان بن قويد هذه القصيده :

قال الذي من عادته يضبط القول=لاقال قوله مثل عدّ النقود
هذي طراة القول لا صار معقول=مافيه لانقص ولا فيه زود
القول في معناه يبقى على طول=لاقيل في شيخ عريب الجدود
الشيخ ابو زابن له عزوم وفعول=فعله ينومس والقبايل شهود
لو ينزل بجوب صحاصيح ومحول=يصبح نباته كل يوم بزود
هذا نقل حمله وهذاك مكفول=من لاذ به يلقى الفرج والسعود
كم من ضعيف حط من دونه قفول=ثم خلصه من محكمات القيود(1)
جاهه وفعله بان ماهوب مجهول=يعرف بنقله كل حمل يكود
مران لاجات المهمات مسؤول=حلالها ماهوب عنها صدود
يبين له عند الصعيبات مفعول=شيخ يحل محكمات العقود
هو شيخنا اللي للمناعير مدهول=عد رسين لا اقطعن الثمود
يالله عسى ابن قويد يكثر له نسول=حيث الفهد يرث محله فهود
زيزوم من يروي شبا كل مصقول=لاجا نهار فيه نفض الزنود
حريبهم من ضربهم راح مذلول=وزبينهم يامن ويرقى سنود
هل وادي رسّوه بسيوف وزحول=بعز وفخر غصب على اللي جحود
وادي الفضا ماجا براحات وسهول=الا بفعل موسعين الحدود
كسابة الطالات في الموقف الهول=لا عد في مجد القبايل عدود
آلاد زااايـد لا أحتكم كل مفتول=حلوين مسقين المعادي نكود

(1) أنه ذو جاه يشفع لمن تجوز له الشفاعه

(*)أرجو ذكر مصدر هذه القصيده عند نقلها لمنتدى آخر

تحياتي للجميـ أبو فهيـــد ـــــع ،،،