يسرنا أن ننشر قصيدة للشاعر الكبير سيف بن سعيد بن سند الجروي القحطاني و هو أحد الشعراء المتميزين على الساحة الشعبية فبالاضافة إلى إجادته لقصائد النظم له محاورات متميزة مع كبار شعراء المحاورة ( القلطة ) أترككم مع هذه الرائعة المهداة إلى الشيخ /فهد بن فريج الشكرة الدوسري رئيس مركز هجرة الشكرة و مالك الابل المعروف بعد أن أهدى لشاعر سيف القحطاني بعير طيب غالي الثمن .. أترككم مع القصيدة : |
تجملت يا بن فريج
تجملت يابن فريج يـا مهـدي الغالـي=اللي بين ملاّك الابـل شايـع ٍصيتـه
لونـي بغيتـه بالملاييـن مـا جالـي =لكنـك تجنبـت الملاييـن و اهديتـه
ما اهديت البعير الكفو طمعان في مالي=لا ولي يطوفون الخلايق علـى بيتـه
و انا بشكرك يا زبن من حده الجالـي=شكر كل ما طال الزمـن مـا تناسيتـه
يسولف به الاول و يدري بـه التالـي=و يوقف شعر رأسك ليا منك أوحيتـه
عادتك الوفا يا طيـب الاب و الخالـي =كم من فعل طيب ٍ في المطاليق سويتـه
مـع طيـب سـاسك طيب راسك والأفعـالي=و من غير هذا مرقـب العـز عديتـه
كريم شجاع ٍ مطلـق ٍ مالـك امثالـي=لو اعد طيبك لا حصرته و لا احصيته
وربعك هل الطولات من ماضي الاجيالي=ليا درت فيهم كوكب المدح صفيـــته
دواسر على العليا كواسـر و نزالـي=ولدهم ليا شفته علـى الحـر حليتـه
و خيالهـم ينطـح ثمانيـن خيـالـي= يهاجم كما البركـان لا حـان توقيتـه
ترى الدوسري لو كان ما يملك ريالـي =ابشر بالشحم و العود الازرق ليا جيته
و تمت بذكر منـزل اقـرأ و الانفالـي =و ذكر الرسول اللي دعانـي و لبيتـه
وتقبلوا تحياتي,,