::: مـنتدى قبيلـة الـدواسـر الـرسمي ::: - عرض مشاركة واحدة - أم المعاني...
الموضوع: أم المعاني...
عرض مشاركة واحدة
قديم 03-06-2010, 09:49 PM   #1
 
إحصائية العضو








مجاهيم غير متصل

مجاهيم is on a distinguished road


افتراضي أم المعاني...


يقـول من عـدا علـى راس عالـي= رجـم طويـل يدهلـه كـل قرنـاس


في راس مرجـومٍ عسيـر المنالـي= تلعـب به الأريـاح مع كل نسنـاس


في مهمـهٍ قفـر من النـاس خالـي= يشتاق له من حس بالقلـب هوجـاس


قعـدت فـي راسـه وحيـدٍ لحالـي= براس الطويل ملابقـه تقـل حـراس


متذكـر فـي مرقبـي وش غدالـي= وصفقت بالكفيـن يـاسٍ على يـاس


أخـذت اعـد أيـامهـا والليـالـي= دنيـا تقلـب ما عرفنـا لهـا قيـاس


كـم فرقـت ما بين غالـي وغالـي= لوشفـت منها ربح ترجـع للافـلاس


يقطعـك دنيـا ما لهـا أول وتالـي= لو اضحكت للغبن تقـرع بالأجـراس


المستـريح اللـي من العقـل خالـي= ما هو بلجـات الهواجيـس عطـاس


ماهـوب مثلـي مشكلاتـه جلالـي= أزريت أسجلهـن بحبـر وقرطـاس


حملـي ثقيـل وشايلـة باحتمـالـي= واصبر على مر الليـالي والاتعـاس


وارسي كما ترسـي رواس الجبالـي= ولا يشتكـي ضلـعٍ عليه القـدم داس


يابجـاد شـب النـار وادن الدلالـي= واحمس لنا يابجاد ما يقعـد الـراس


ودقـه بنجـرٍ يـاظريـف العيالـي= يجذب لنا ربعٍ على اكـوار جـلاس


وزلـه إلـى منه رقـد كـل سالـي= وخله يفـوح وقنـن الهيـل بقيـاس


وصبـه ومـده يـا كريـم السبالـي= يبعد همومي يـوم أشمـه بالانفـاس


فنجـال يغـدي مـا تصـور ببالـي= وروابع تضرب بها اخماس واسـداس


لاخـاب ظنـي بالرفيـق الموالـي= مالي مشاريـهٍ علـى باقي النـاس


لعـل قصـر مـا يجيلـه ظـلالـي= ينـهد مـن عـال مبانيـه للسـاس


لاصـار ما هـو مدهـل للرجالـي= وملجا لمن هو يشكي الضيم والبـاس


بحسنـاك يامنشـي حقـوق الخيالـي= ياخالـق أجنـاس ويامغنـي أجنـاس

تجعـل مقـره دارس العـهد بالـي= صحصـاح دوٍّ دارس مابـه اونـاس


البـوم فـي تالـي هدامـه يـلالـي= جزاك ياقصـر الخنـا وكر الادنـاس


متـى تـربــع دارنـا والمغـالـي= وتخضر فياض عقب ما هيب يبـاس


نشـوف فيـها الديدحـان متـوالـي= مثل الرعاف بخصر مدقوق الالعـاس


ونثير على البيـدا سـوات الزوالـي= يشرق حماره شرقة الصبـغ بالكـاس


وتكبر دفـوف معبسـات الشمالـي= ويبني عليهن الشحم مثـل الأطعاس


الشاعر الأمير // محمد الاحمد السديري البدارين الدوسري

 

 

 

 

 

 

من مواضيع: مجاهيم

0 أم المعاني...
0 برحب فيكم قبل ...

التوقيع

نسعـى بدنيانـا نبـي طيبـة الثنـا
وأيامنـا تبـق والأعـمـار بـايـده

الأمير عامر بن بدران رحمه الله

    

رد مع اقتباس