وعمرك ما يقصر يالغالي
الكاتم
سلام والملعبه تبغا شجيع العيال =واللي شجيع يجي ذاللي بنفلّها
من قال انا جاهز في كل حاله وحال=اقول يازينها لا جات في حلّها
باحوص
يامرحبا من خفوقن يا خفي الفعال=ياللي تدور شجيعن عارفن دلّها
دونك دلالن مباهيرن ودونك غلال=اختر هوا ما بدالك و الصرر فلّها
الكاتم
إبك البقا يالمرحب ياحسين الدلال=ومن قدّم الطيبه يلقى مثيل لها
خل السوالف تروّح بيننا عال عال=كان الحمول الثقيله تقدر تشلّها
باحوص
دام البقا يا رفيقي يا صبي الحلال=وطبعي مثيل المراية عاكسن كلّها
"ابتاع كلّه" وللـه الولي الكمال=من جاد جاب الهنا له والعقد حلّها
الكاتم
ليل المعاني بداله يارفيقي اشتعال=لازم تسامر بروقه واحذر تزلّها
وش رايك بشجرتن مالِقي فيها ظلال=رغم انها مزهره بالورد مع فُلّها
باحوص
اسمع دبيك الحروف اللي تشير الهبال=نـوبـن يحــذر ونـوبــن بالغـوا هـلّها
والمشكلة في عيونك مابها اعتدال=تــل الـرشا يــا رفيقي تلّها تلّها
الكااتم
إليا وعدتك جنوب فخل عنك الشمال=واليا نشدتك فجاوب وانت كفو لها
الملعبه بنت شيخ فاتنه بالجمال=من يرضي غرورها الطاغي مع دلّها