أبدا بذكـــــــــر اللة وبة نستعينا رب(ن)عليه افوض الأمر وأعلن
وأسجل أبيات(ن)لطفـل حزينـــا يطلب ولابه مـــايدفي ويسمـن
يانادر إن شــــح الزمن في يدينا إرفــع يدينك للســما لين يملن
ليـــاك تطلب غير محيي الجنينا اللي له العزة وله كامـــل المن
وإن ضاقت الدنيا وشحت علينــا يسقي بمداته عظــامي ويحين
ولي لابةٍ الــــــى اقبلو مقدمينا تجفل وحوش البر والإنس والجن
صدقان في وقت القسا صاملينا وأفعـالهم لاعد فعل(ن) تعلـــن
صبيـــــــان زايد باسطين اليمينا بالخيــر وإن صكن يديهم يعطبن
حنا الى صــــــاح المنادي عمينا نلطم وجيه المعتدي لين تطمن
نجهل ولكــــن بالجهل ماأعتدينا واليا حكمنا ماحكمنا على الظن
مثل الجبال الطـــــود يعنز علينا واليا عدينــــا مثل سحمن تعاون
يا ما ذبحنــــــا للضيوف السمينا وركابهم لبيـــــوتنا كـــم تنصــن
يا ما نصانا مـــن حــدنه السنينا ونعين من حسب علينا وأعاون
وفي حاجة الملهوف ياما مشينا قمنا معــه يوم الوجيـــــه إتلون
وجارك يابــوك الجـــار حقه علينا حــق(ن) كبير إحذر بحقه تهاون
خل الرشــا وإلزم بحبل(ن) متينا حبل اللة اللي من تجود به احسن
ولا تخــــــون اصدق مع الخاينينا واليا بحلت اضرب مع الوجه وإطعن
هــذي ســـلوم اجدادنا الاولينــا عن فــعلهــم ليــاك تضعف وتجبن
والحمد لله وقت عسر(ن) ولينــا بأفضــاله اللـــي لايعدن ويحصــن
ياذا الكــــــرم يا أجود الأجودينــا ياواهب الابصــــار يامنبت المــــن
الطف بنا يـــــارب وأغدق علينــا نفحات رحماتك لها خـافقـي عـنٌ
ونختم بذكـــر الله مثل ماأبتدينــا وعلى النبي صليت مومن وموقن
للشـــــــــــــــاعر محمد بن خشمان بن محمد الشكرة الدوسري من ال ابو علي يوجهها لولده نادر بن محمد