بعد الانقطاع وذلك لظروف الشبكه اعتذر من الادارة الكريمه والاخوان والاخوات الغالين
جيتكم بهذه القصيده للشاعر وطبان بن راشد ...اخو شاعرنا ابوشالح الاصغر
اتمنى ان تنال على رظاكم واعجابكم
هذا الزمن يكشف اللي مانكشف ستره
بين خفايا قلوب اللي يخفيها
تغير الوقت ولا شانت الدبره
احترت في الناس مادري وش طواريها
اللي وفا العام بان اليوم لي غدره
حتى اقرب الناس لي ضاع الامل فيها
وانا على الصاحب الطيب لزوم اشره
يمكن تجي حذفتن ماهوب راعيها
وليا تعذر رفيقي قابلن عذره
الاصحاب يرخص لها الغالي ونعطيها
ولا الردي لو يحاول ينقصر شبره
الانذال لو حاولت تقصر هقاويها
يضحك معي والبلا والغيظ في صدره
الاشكال هذي علي منقود اماشيها
لاكن ابقول لي بيتين عن عشره
اختم بها القاف والموضوع يعنيها
من لاعرف قدر غيره ماعرف قدره
هذي حقيقه ولانجهل مباديها
والحر لوحام وابعد مانسى وكره
ولا الحجل في ذرا المشراف يحميها
# وطبان راشد النتيفات (ابوفيحان)