السلام عليكم ورحمة الله وبركاته ..
هذه ابيات متواضعه اتمنى ان تنال رضاكم
هنا الشيلة بصوت المنشد ابو نوف
( أنا البارحه ما نمت والعالمين أرقود )=سبايب أجروحٍ تشتعل داخل أضلوعي
ليا قلت هانت عود الهم زود بزود=وهليت دمع العين غصبٍ بلا طوعي
عساها تخفف ضيقة أم العيون السود=غشاها التعب بالشكل واللون والنوعي
كثير البشر ما عاد تلقى وراها فود = تغير أسلوب وشينة أخلاق وأطبوعي
تقدم لها من طيب مجناك دهن العود = وتلقى الردى مردود مثني ومربوعي
ليا صار فعل الخير ما يبلغ المقصود = طريق الردى ماهوب للناس مشروعي
تعيش الأوادم وآخر أعظامها للدود = كذا سيرة الأيام تابع ومتبوعي
وســــلامتكم
الجـــآدل