الشعر ينظم للرجال المناعير = ونظم الشعر ياحسين ماهوب فسقه
يعتق ارقابٍ هيّبتها البواتير = ويسعد انفوسٍ طول الايام غلقه
الشعر ديوان العرب والمشاهير =بسبابه المظلوم ينفك حقّه
وعند الرثا يبكي الرجال المغاوير = وقلبي الى سمع الشعر جاه خفقه
احدن طموحه كيف يرضي الغنادير = لو تنتخيبه ياعلي جاه شرقه
فدامةٍ متعوّدٍ نومة اعصير = ودك على الخدين تعطيه صفقه
يصبح على ان بي سي ويقلد الغير = ولاشاف راعي الطيب ينلف عنقه
ابي شجاعٍ مايصر الدنانير = ويصبر على ضيم الدهر والمشقه
إلى نخيته مايسوق المعاذير = نفسه على اهل الخير والطيب شفقه
من لابةٍ عند الملاقا اعاصير = امعرّب الجدين مافيه رقّه
بدر التمامي